Монополын эсрэг газар энэ сарын 16-нд буюу өчигдөр "Хотын дарга Х.Нямбаатар өрсөлдөөний орчныг хязгаарлаагүй. Хууль зөрчөөгүй байна" гэсэн шийдвэр гаргажээ.

Тодруулбал, Монополын эсрэг газраас Сэлбэ хотын ТЭЗҮ-тэй худалдан авах ажиллагаа нийцэлтэй. Дотоодын барилгын компаниудын өрсөлдөөнийг хязгаарласан асуудал байгаагүйг хотын дарга Х.Нямбаатар сэтгүүлчдийн асуултад хариулах үеэрээ хэллээ.

Тэрээр “Намайг хотын даргаар томилогдохоос өмнө хотод нэг ч том төсөл байгаагүй. Хотын дарга болоод Сэлбэ хот төслийн газрыг чөлөөлүүлсэн. Холбогдох хуулийг батлуулсан. ТЭЗҮ-г боловсруулсан. Европын зах зээлд ТЭЗҮ-ээ танилцуулж, хөрөнгө босгосон. Барилгачдын холбооныхныг шаардахад Сэлбэ хотын тендерт дотоодын барилгын компаниудын өрсөлдөөнийг хязгаарласан эсэх асуудлыг шалгуулахыг зөвшөөрсөн.

БНХАУ-ын барилгын компаниудад таатай нөхцөл бүрдүүлсэн" гэж барилгын компанийн төлөөллүүд хоёр удаа хэвлэлийн хурал зохион байгуулсан юм. 

Ингээд Монополын эсрэг газраас Сэлбэ хотын ТЭЗҮ, худалдан авах ажиллагааг нийцэлтэй хэмээн дүгнэлт гарсан. Сэлбэ хотын ТЭЗҮ-д хүмүүсийн сонирхоод байгаа бүх тооцоолол, худалдан авах ажиллагааны багц нь ч бий.

Хамгийн чухал нь Европын зах зээлээс хөрөнгө босгоход хөрөнгө оруулагчдад итгэл үнэмшил төрүүлэхийн тулд ТЭЗҮ-дээ бүх юмаа багтааж, танилцуулна гэдгийг ойлгох хэрэгтэй.

Түүнээс хотын дарга бүхнийг өөрийнхөөрөө шийдээд байгаа юм байхгүй” гэв.

Сэлбэ дэд төвийг нийслэл дэх анхны, 20 минутын хот болгох ажил эхэлж, айлууд газраа чөлөөлсөн. Гэр хорооллын бүсэд орон сууц, сургууль цэцэрлэг барина. Гэвч энэ бүтээн байгуулалтад үндэсний компаниудыг оролцуулсангүй, сонгон шалгаруулалт зарлахдаа хэт өндөр босго тавьж, гаднын буюу БНХАУ-ын барилгын компаниудад таатай нөхцөл бүрдүүлсэн" гэж барилгын компанийн төлөөллүүд хоёр удаа хэвлэлийн хурал зохион байгуулсан юм. 

Тэд "Сэлбэ дэд төвийн бүтээн байгуулалтад үндэсний компаниудаа оролцуулахыг шаардаж, Монголын барилгачдын нэгдсэн холбооноос 2025.04.28-нд дараах мэдээллийг өгсөн юм.

-Сэлбэ дэд төвийн орон сууцны иж бүрэн цогцолбор хороолол барих тендер сонгон шалгаруулалтад монголын аж ахуй нэгжүүдийг оролцох боломжгүй болгосон, гадаадын компанид давуу эрх олгосон асуудлаар Төрийн гурван өндөрлөг, УИХ-д суудал бүхий намын бүлгүүдэд шаардлага хүргүүлж, төрийн бодлогоо эргэж харахыг хүсэж байна.

Нэгдүгээр багц нь 350 тэрбум төгрөг, хоёрдугаар багц нь 470 тэрбум төгрөг байхаар зарласан. Монгол компани ороогүй шалтгаан нь хэтэрхий өндөр үнийн дүн юм.

-Цогцолбор хороолол барих тендерийг дөрөвдүгээр сарын 23-нд нээсэн. Тус тендерт нэг ч Монгол компани оролцоогүй. Хоёр багц тендер зарласан. Нэгдүгээр багц нь 350 тэрбум төгрөг, хоёрдугаар багц нь 470 тэрбум төгрөг байхаар зарласан. 

Монгол компани ороогүй шалтгаан нь хэтэрхий өндөр үнийн дүн юм. Анхнаасаа Монгол ААН-үүдийг тендерт орох боломжгүй нөхцөл заалаа. Монгол төрийн үүрэг бол монголынхоо ААН-үүдийг ажилтай, орлоготой байлгах. Энэ тал дээр төрийн бодлого тулгуурладаг. 

"Төр  үндэсний эдийн засгийн аюулгүй байдал, аж ахуйн бүх хэвшлийн болон хүн амын нийгмийн хөгжлийг хангах зорилгод нийцүүлэн эдийн засгийг зохицуулна" гэж Үндсэн хуульд баталсан.

Монгол Улсын Ерөнхийлөгч, УИХ, Засгийн газар, улс төрийн намуудаас үндэсний үйлдвэрлэл, үндэсний аж ахуй нэгжийг төрийн бүх шатанд дэмжих талаар үе үеийн мөрийн хөтөлбөр, төрийн бодлого, үзэл баримтлалд тусгасан. Мөн Төр хувийн хэвшлийн түншлэлийн тухай хууль баталсан ч хэрэгждэггүй.

Хий хоосон амлалт, баримт бичиг болсоор ирсэн.

Нийслэлийн худалдан авах ажиллагааны газраас зарласан Сэлбэ дэд төвийн орон сууцны иж бүрэн цогцолбор хорооллын тендерт барилгын салбараас нэг ч Монгол компани оролцох нөхцөл боломж байсангүй. Техникийн өгөгдлийн хүснэгтийн 18.1 Санхүүгийн чадавхын шаардлага, борлуулалтын орлогын хэмжээ нэгдүгээрт, сүүлийн таван жилд буюу 2020, 2021, 2022, 2023, 2024 онуудын аль нэг жилийн борлуулалтын орлогын хэмжээ нь батлагдсан төсөвт өртгийн 30 хувиас багагүй байна.

Хоёрдугаарт, түргэн хөрвөх хөрөнгийн хэмжээ батлагдсан төсөвт өртгийн 30 хувиас багагүй байна гэж заасан. Энэ нь хоёрдугаар багцын хувьд гэхэд 136 тэрбум гаруй төгрөг болно. Бид энэ тендерт оролцохын тулд хоорондоо нэгдэж, байж болох арга замыг судалсан. Гэвч санхүүгийн шалгуурыг давж чадсангүй. Энэ шалгуур анхнаасаа монгол компаниудад зориулагдаагүй.

Тендер зарлахдаа бүхэл том дүнгээр биш, хэсэгчлэн зарласан тохиолдолд дотоодын компаниуд өргөнөөр оролцох боломжтой. Мөн барилга байгууламжийг дотоодын компаниуд гүйцэтгэх бүрэн чадамжтай. Учир нь энэ төслийн барилга энгийн хийц бүхий 9 болон 12 давхар орон сууц.

Бид бүтээн байгуулалтыг өөрсдийн гараар бүтээн босгож, шинэ зууны эхэнд хөгжил цэцэглэлтийн өнгийг тодорхойлж, төрийн бодлогыг хэрэгжүүлэн Монгол барилгачдын хувьд түүхэн бахархал бүтээх хүсэлтэй байна. Нийслэлийн худалдан авах ажиллагааны газраас зарласан сонгон шалгаруулалтад анхаарч, тухайн тендерийг судалж, цаашид зарлах томоохон тендерт үндэсний компаниудаа, монгол барилгачдаа ажиллуулахад анхаарах шаардлага хүргүүлж байна" гэсэн юм.

Барилгын иж бүрэн зураг төсөл, барилга угсралтын ажил гүйцэтгэдэг "ББСМО" хэмээх монгол компани Сэлбэ хотын ТЭЗҮ-г боловсруулжээ.