Тайваны парламент ижил хүйстнүүдийн гэрлэлтийг зөвшөөрсөн хуулийг албан ёсоор баталсан Ази тивийн анхны орон боллоо.
2017 онд тус улсын үндсэн хуулийн шүүх ижил хүйстэн иргэд хоорондоо гэрлэх хууль ёсны эрхтэй гэсэн дүгнэлт гаргасан бөгөөд парламентэд тэдний гэрлэлтийг хуульчлах хоёр жилийн хугацаа өгчээ. Энэ хугацаа тавдугаар сарын 24-ний өдөр дуусна.
Хууль санаачлагчид ижил хүйстнүүдийн гэрлэлтийг хуульчлах гурван төрлийн хувилбарыг хэлэлцсэн бөгөөд хамгийн дэвшилтэт хувилбарыг нь баталжээ.
Өнөөдөр Тайваны нийслэл Тайпэйд олон зуун ижил хүйстнүүд парламентийн барилгын гадаа цугларсан байна. Шийдвэрийг зарласны дараа бүгд баярлаж, зарим нь нулимс дуслуулсан гэнэ.
Эх сурвалж: BBC