Зургаадугаар сарын 23-26-ныг хүртэл ихэнх нутгаар бороо орохгүй, агаарын температур шөнөдөө 14-19 градус дулаан. Өдөртөө 32-36 градус халуун.

Маргаашнаас эхлэн нийт нутгаар халах тул бага насны хүүхдүүдийг наршихаас сэргийлэхийг анхааруулж байна.

БАРУУН АЙМГУУДЫН НУТГААР  
23-24нд нутгийн баруун хэсгээр, 25-нд зарим нутгаар, 26-нд ихэнх нутгаар бороо орно. Дуу цахилгаантай. Борооны өмнө салхи түр зуур ширүүснэ. Агаарын температур Завхан, Баянхонгорын хойд хэсгээр шөнөдөө 4-9 градус, өдөртөө 21-26 градус, Их нууруудын хотгор, Алтайн өвөр говиор шөнөдөө 16-21 градус өдөртөө 31-36 градус, бусад нутгаар шөнөдөө 11-16 градус өдөртөө 26-31 градус хүрч хална. 26-нд бага зэрэг сэрүүснэ.

ТӨВИЙН АЙМГУУДЫН НУТГААР
22-ноос ихэнх нутгаар дулаарч 24-26-нд Дархадын хотгор, Хөвсгөл, Хангай, Хэнтийн уулсаар шөнөдөө 5-10 градус өдөртөө 22-27 градус, Орхон-Сэлэнгийн саваар шөнөдөө 16-21 градус өдөртөө 31-36 градус, бусад нутгаар шөнөдөө 13-18 градус өдөртөө 28-33 градус хүрч халах төлөвтэй.

ЗҮҮН АЙМГУУДЫН НУТГААР
23-наас дулаарч нутгийн зүүн хэсгээр шөнөдөө 7-12 градус өдөртөө 23-28 градус, бусад нутгаар шөнөдөө 12-17 градус өдөртөө 27-32 градус дулаан байна.

ГОВИЙН АЙМГУУДЫН НУТГААР
23-наас халж 24-26-нд ихэнх нутгаар шөнөдөө 15-20 градус өдөртөө 30-35 градус хүрч хална.