Монголын бизнесийн зөвлөлийн хоёрдугаар чуулган Их тэнгэрт эхэллээ. Чуулганы эхний хуралдаанаар“Бүс нутгийн эдийн засгийн уялдаа холбоо” гэсэн сэдвийг онцлон хөндөж байна.

Энэ хүрээнд БНХАУ-ын санаачилсан“Нэг бүс нэг зам” хөтөлбөр, Монгол-Орос-Хятадын эдийн засгийн коридорын талаар ярилцлаа. ОХУ-аас манай улсад суугаа элчин сайд Искандер Азизов УБТЗ-ыг шинэчлэх тоиролцоонд хүрсэн гэсэн юм.
 

БНХАУ-аас манай улсад суугаа Онц бөгөөд бүрэн эрхэт элчин сайд Шинг Хаймин “Эдийн засгийн 6 коридор бий. Эдгээрийг хөгжүүлэхэд бид хөрөнгө оруулахад бэлэн”гэв.

 Мөн БНСУ-аас манай улсад суугаа Элчин сайд Ох Сон“Монгол БНСУ-уудд Эдийн засгийн чөлөөт хэлэлцээ байгуулахаар ажиллаж байна. Хэлэлцээ гурав дахь шатандаа шилжсэн. Энэ гэрээг байгуулснаар Солонгосын хөрөнгө оруулагчид Монгол Улсыг анхааралдаа авна гэж би найдаж байна. Гэхдээ бодлогын тууштай байдал чухал. Шинэ Засгийн газар ажлаа хүлээж авлаа. Энэ дашрамд би дараа сард болох хамтарсан сургалтын талаар мэдээлэл өгмөөр байна. Солонгос-Японы хамтарсан, технологийн сан Монголд хөрөнгө оруулахаар шийдсэн. Энэ сангийн хурал саяхан Токиод болсон. Дараагийн хурлаа Улаанбаатарт хийнэ” гэв.     

Монгол-Орос-Хятадын эдийн засгийн коридоррын хүрээнд нийт 32 төсөл хэрэгжүүлэхээр гурван улсын Ерөнхийлөгч тохиролцоонд хүрсэн. Гэвч хэт олон төсөл байгаа тул эхний ээлжинд хэрэгжүүлэх, нэн чухал төслөө сонгох шаардлага байгаа юм.  Манай улсаас 6 төслийг сонгон саналаа хүргүүлсэн талаар ГХЯ-ны Гадаад худалдаа, эдийн засгийн хамтын ажиллагааны газрын дарга В.Энхболд танилцууллаа.

Гурван улсын Ерөнхийлөгч нарын дараагийн уулзалт Улаанбаатарт болох хуваарьтай байгаа юм. Тэгэхээр энэ уулзалтад шинэ Ерөнхийлөгч оролцох нь тодорхой байгаа юм.

Өнөөдрийн хуралдаанаар гурван улсын эдийн засгийн коридор байгуулахад Ерөнхийлөгч Ц.Элбэгдорж тэргүүлэх үүрэг гүйцэтгэснийг оролцогчид дурдлаа.