#Сагсанбөмбөг Монголын өсвөрийн шигшээ баг Азийн аваргын хоёр дахь тоглолтдоо Тайваньд 46-92 харьцаагаар хожигдлоо.

Сагсан бөмбөгийн өсвөрийн буюу 18 хүртэлх насны Азийн аварга шалгаруулах тэмцээн Йордан улсад үргэлжилж байна.

Тэмцээний "А" хэсэгт багтсан Монголын шигшээ баг өчигдөр Тайванийн шигшээ багтай тоглож 46-92 харьцаагаар хожигдлоо.

Монголын багаас Энхбатын Тэмүүжин, Гантулгын Түвшинжаргал нар 10 оноо авч багаа тэргүүлсэн бол Сайнбилэгийн Очир 10 удаа самбараас бөмбөг авчээ.

• ЕСДҮГЭЭР САРЫН СПОРТ: Паралимп, TI13
• Олон улсын өсвөрийн спортын наадмын сагсан бөмбөгийн төрөлд манай баг хүрэл медаль хүртлээ

Азийн шилдэг 16 орны баг тамирчид дөрвөн хэсэгт хуваагдан тоглож байгаа бөгөөд Монголын шигшээ баг Тайваниас гадна Австрали, Ливаны шигшээ багуудтай нэг хэсэгт багтсан юм.

Шигшээ баг хэсгийн эхний тоглолтоо энэ сарын 2-д Австралийн шигшээ багтай хийж 93-32 харьцаагаар хожигдсон. Тэд өнөөдөр хэсгийн сүүлийн тоглолтоо Ливаны шигшээ багтай өнөөдөр 19:00 цагаас хийнэ.

Ливаны шигшээ баг Австралид 46-78 харьцаагаар хожигдсон ч Тайванийг 75-97 харьцаагаар хожсон хүчирхэг баг юм. Хэсэг тус бүрээс хамгийн өндөр оноотой хоёр баг Playoffs-т шалгарна.