Азийн хөгжлийн банкны удирдлагууд хэвлэлийн бага хурал хийж байна.

Тэд Монголын эдийн засагт тохиргоо хийх цаг ирсэн гэв. Төсвийн гадуурх зарцуулалт гол хүндрэлийг бий болгосон гэсэн юм. Тус банкны "Азийн хөгжлийн төлөв 2016" тайланд энэ оны эдийн засгийн өсөлтийг 0.3, ирэх онд 1.4 хувь байна гэж тооцоолжээ.

Энэ өсөлтийг хангах гол хүчин зүйл нь Оюутолгойн далд уурхайн бүтээн байгуулалт болон хөдөө аж ахуйн салбар гэж үзэж байна.

Хүнс, түлшний үнэ тогтвортой байсан, төгрөг суларсан, төсвийг тэлэх бодлого явуулсан нь инфляцийн өсөлтийг сөрсөн хүчин зүйл байв. Энэ оны инфляци 3.2 хувь, ирэх онд 5.4 хувьд хүрнэ гэв.

Гэхдээ Монголын эдийн засгийн хэтийн төлөв гэрэл гэгээтэй байна гэж суурин төлөөлөгч Ёланда Фернандез Ломмэн хэллээ. Уул уурхайн салбарт хэрэгжих томоохон төслүүд төсвийн болон төлбөрийн тэнцлийн алдагдлыг богино зугацаанд эерэгжүүлнэ.