Дэлхий дахинд “13 настай бүргэдчин охин” хэмээн алдаршсан Н.Айшолпан охин аав, ээжийн хамт АНУ-ыг зорьсон. Түүний амьдралаас сэдэвлэсэн "The Eagle Huntress" буюу "Бүргэдийн анчин охин" кино АНУ, Канад зэрэг олон улсад албан ёсоор нээлтээ хийж байна. 

АНУ-д киноныхоо нээлтэд оролцож байх үеэр бүргэдчин охин Н.Айшолпан болон түүний аав ээжийг Холливудын алдарт жүжигчин Леонардо Ди Каприогийн ээж үдийн зоогонд урьжээ. 

Монголын цорын ганц бүргэдчин охины амьдралыг өгүүлэх энэхүү киног  АНУ-ын Нью-Йорк хотод төвтэй “Олигвы Энтертайнмент” хийсэн юм. Нээлтээ хийсэн даруйдаа л дэлхий нийтийн анхаарлыг татаж, кино наадмуудад өрсөлдөж эхлээд байгаа юм. 

Гэрэл зургийг: Фэйсбүүк хуудааснаас нь ашиглав