Наймдугаар сарын 25-наас аравдугаар сарын 25-ны өдрүүдэд “Алтан намар үзэсгэлэн худалдаа”-г нийслэлийн зургаан дүүргийн 23 байршил 190 цэгт зохион байгуулахаар болжээ.

“Алтан намар үзэсгэлэн худалдаа”-г дүүрэг тус бүрт хоёроос доошгүй байршилд зохион байгуулахыг Улаанбаатар хотын Захирагчийн ажлын алба,  дүүргийн Засаг дарга нарт тус тус үүрэг болгожээ.

Тодруулбал,

• Баянзүрх дүүрэгт “Скай” худалдааны төвийн урд талбайд,
• Бөхийн өргөөний урд, “Тэнгэр” бөөний худалдааны гадна талбай зэрэг нийт дөрвөн байршилд 80 цэгт үзэсгэлэн худалдаа гарсан бол
• Баянгол дүүрэгт 3-р эмнэлэгийн зүүн талд, Бичил хорооллын дунд талбай зэрэг гурван байршилд,
• Хан-Уул дүүрэгт “Ажилчны алдар” талбайд, “Хоум ппаза”-гийн гадна талбайд, “Буянт-Ухаа-1” хорооллын гадна,
• Чингэлтэй дүүрэгт Хайлааст, Долоон буудлын уулзвар, 24-р сургуулийн урд талбайд, Сонгинохайрхан дүүрэгт Хархорин захын эсрэг талд 31-р байрны урд хэсэгт, Миний захын хажууд, Баянхошууны эцсийн буудал орчим ногооны үзэсгэлэн худалдаа гарсан байна.

Есдүгээр дүгээр сарын 15-наас эхлэн Сүхбаатарын талбай, Барилгачдын талбай, Жуковын талбайд төмс, хүнсний ногооны өргөтгөсөн үзэсгэлэн худалдаа гарна  гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.