Замын цагдаагийн газар, Авто тээврийн үндэсний улсын хэмжээнд хөдөлгөөнд оролцож буй тээврийн хэрэгслийг стандартын шаардлага хангаж буй эсэхэд хамтарсан хяналт шалгалт хийж байна.

Шалгалтаар замын хөдөлгөөнд оролцож байгаа тээврийн хэрэгслүүдийг

• техникийн улсын үзлэгт хамрагдсан байдал,
• техникийн бүрэн бүтэн байдал,
• өнгө үзэмж,
• гэрэлтүүлэх хэрэгсэл,
• дагалдах хэрэгсэл,
• иж бүрдэл хангагдсан эсэхийг шалгаж, зөрчлийг арилгуулж хариуцлага тооцож ажиллана.

Хяналт, шалгалтын ажил өчигдөр эхэлсэн бөгөөд есдүгээр сарын 30-ны өдрийг дуустал болно.

Шалгалтаар дараах стандарт, шаардлагыг шалгаж, зөрчлийг арилгуулна. Үүнд:

• Авто тээврийн тухай хуулийн 17-р зүйлд заасны дагуу авто тээврийн техникийн хяналтын үзлэгт хамрагдсан байдал
• Замын хөдөлгөөний дүрэмд заасан ашиглахыг хориглосон гэмтэлтэй эсэхэд хяналт тавих
• Ачаа тээвэрлэх журмын хэрэгжилт, үүнд автомашины бүтээлэг, зуурмаг тээвэрлэгч автомашины тосгуурыг шалгах
• Авто тээврийн хэрэгслийн бүх жин ба уртын зөвшөөрөгдөх дээд хэмжээг заасан хэмжээнээс хэтэрсэн эсэхэд хяналт тавих,
• Тээврийн хэрэгслүүдийн гадна хэсэг их хэмжээгээр эвдэрсэн буюу өнгө үзэмж илт муудсан, салхины шил хагарсан, улсын дугаар бүдгэрч арилсан зэрэг зөрчлийг илрүүлж, зөрчлийг арилгуулах
• Бензин хөдөлгүүртэй автомашин-Утааны найрлага дахь хорт бодисын, Дизель хөдөлгүүртэй автомашин-Утааны тортогжилтын зөвшөөрөгдөх хэмжээнээс хэтэрсэн тээврийн хэрэгсэл
• Авто тээврийн хэрэгсэлд тавих техникийн ерөнхий шаардлагад заасны дагуу гэрэл ойлгогч наалт наасан байдал зэргийг шалгаж, зөрчлийг арилгуулах юм.