Чөлөөт бөхийн холбооны Ерөнхийлөгч, их аварга Д.Дагвадорж чөлөөт бөхийн холбоог зургаан жилийн турш тэргүүлсэн. Тэрээр энэ сонгуульт ажлаа хүлээлгэн өөх болсноо твиттер хуудсаараа дамжуулан мэдэгдэв. Мөн 2020 оны Токиогийн олимпод оролцох Монголын багт амжилт хүсээд, цаашид ч хамтарч ажиллахаа илэрхийлжээ.    

Учир нь Бразилийн Рио де Жанейро хотыг зорьж, олимпийн дэвжээнд өрсөлдсөн чөлөөт бөхийн тамирчид нэг ч медаль хүртээгүй юм. 65 кг-ын жинд өрсөлдсөн Г.Мандахнаран сүүлийн агшинд торгуулиар ялагдсаны дараа нийгмийн сүлжээнд олон иргэн Чөлөөт бөхийн холбооны удирдлагуудыг буруутгалаа. Холбооны Ерөнхийлөгч Д.Дагвадорж ч хариуцлага алдсанаа хүлээн зөвшөөрчээ.

31 дэх удаагийн олимпийн наадамд манай улсаас нийт 43 тамирчин өрсөлдсөнөөс арав нь чөлөөт бөхийн тамирчид байв.