"Монголын Үндэсний Кино Урлагийн Академи"-аас жил бүр уламжлал болгон зохион байгуулдаг Монголын кино урлагийн шилдгийг тодруулах "Академи Авардс" наадам энэ жил зургаа дахь жилдээ "Их тэнгэр цогцолбор"-т болох гэж байна.

Зургаадугаар сарын 4-ний өдөр болох ба кино урлагийн салбар дахь ололт амжилтыг 17 номинациар шалгаруулж академийн шагналыг ёслол хүндэтгэлтэйгээр гардуулах юм.

Кино урлагийн хөгжилд үнэтэй хувь нэмэр оруулдаг тус наадам анх 2011 онд зохион байгуулагдаж шилдэг бүтээлээр "Зөрлөг" УСК шалгарч байсан бол 2012 онд "Бодлын хулгайч", 2013 онд "Аравт" УСК, 2014 онд "Үргээлэг", 2015 онд "Аав" УСК тус тус "Академи авардс"-ын шилдэг кино бүтээлээр шалгарч байжээ