Ц.Цогтбаатар, Г.Одбаяр, А.Цолмон нар Риог зорьж гавьяатууд үлдэнэ

Онцлох

Шинэ

Тренд

Буцах

Ц.Цогтбаатар, Г.Одбаяр, А.Цолмон нар Риог зорьж гавьяатууд үлдэнэ

У.Бадамцэцэг

2016-04-27

У.Бадамцэцэг

2016-04-27

Ц.Цогтбаатар, Г.Одбаяр, А.Цолмон нар Риог зорьж гавьяатууд үлдэнэ

Монголын жүдо бөхийн холбоо "РИО-2016" олимпийн наадамд оролцох шигшээ багаа дөнгөж сая албан ёсоор зарлалаа.

Монголын жүдо бөхийн холбооны удирдах зөвлөл, дасгалжуулагчид хоёронтаа хуралдаж эцсийн шийдвэрээ гаргажээ.

МЖБХ-ны ерөнхийлөгч Х.Баттулга "Риогийн олимпийн наадам эхлэхэд өнөөдрийн байдлаар 100 хоног үлдлээ. Бид өнгөрсөн дөрвөн жилийн хугацаанд шигшээ багийн тамирчдаа олимпийн эрхийн оноо олгох тэмцээнүүдэд жигдхэн оруулж ирсэн. Үүний үр дүнд жин тус бүр 2-5 жүдоч чансаанд бичигдэж байна. Өнөөдөр бид олимпод оролцох шигшээ багийн бүрэлдэхүүнээ албан ёсоор зарлах гэж байна. Гэхдээ олимп хүртэл хугацаа байгаа, тамирчин хүнд юу ч тохиож болох учир хоёр номерын тамирчдад боломж байгаа шүү гэдгийг хэлмээр байна. Монголын жүдо бөхийн багийн ахлагчаар олимпийн аварга Н.Түвшинбаярыг сонгож байна. Олимпийн наадамд гурав дахиа зодоглож Н.Түвшинбаярт гурав дахь медалиа авахыг хүсье" гэв.

Эрэгтэй -60кг, -66кг, -73кг, -81кг, эмэгтэй -52кг тус бүр хоёроос дээш жүдоч олимпийн эрхийн оноо хангасан байсан.

Ялангуяа эрэгтэйчүүдийн -60кг-д хэнийг явуулах вэ гэдэг бөх сонирхогчдын анхаарлын төвд байсан. Юун түрүүнд эрэгтэйчүүдийн -60кг-д залуучуудын дэлхийн аварга шалгаруулах тэмцээний хошой мөнгөн медальт, 2016 оны ААШТ-ий хүрэл медальт Цэнд-Очирын Цогтбаатар хүүд итгэл хүлээлгэхээр шийджээ.

20-хан настай жүдоч Ц.Цогтбаатарын хувьд дэлхийн аварга Г.Болдбаатар, дэлхийн аваргын мөнгөн медальт Д.Амартүвшин нарын гавьяатуудыг үлдээж Риогийн татамид зодоглохоор боллоо.