Монгол Улсын Гадаад хэргийн сайд Л.Пүрэвсүрэнгийн урилгаар ОХУ-ын Гадаад хэргийн сайд Сергей Лавров энэ 14-ний өдөр Монгол Улсад албан ёсоор айлчлал хийхээр болжээ.

Айлчлалын хүрээнд ОХУ-ын Гадаад хэргийн сайд Сергей Лавров Гадаад хэргийн сайд Л.Пүрэвсүрэнтэй хэлэлцээ хийж, Ерөнхийлөгч Ц.Элбэгдорж, Ерөнхий сайд Ч.Сайханбилэг нарт тус тус бараалхана.

Түүнчлэн "Айлчлалын үеэр сайд нар хоёр орны хооронд стратегийн түншлэлийг хөгжүүлэх дунд хугацааны хөтөлбөр батална. Энэ бол улс төр, худалдаа-эдийн засгийн болон олон улсын хүрээнд хамтын ажиллагааг хамарсан томоохон бичиг баримт" гэж ОХУ-ын ГХЯ-ны хэвлэлийн төлөөлөгч Мария Захарова хэлснийг РИА Новости дамжууллаа.

Эх сурвалж: РИА Новости