Унгар улсад суралцаж буй оюутан, залуучууд нэгдэн Монголоо сурталчилах “We love Mongolia” өдөрлөгийг энэ сарын 26-нд зохион байгуулжээ.

Унгар дахь Монгол оюутны холбооныхон нэг өдрийн турш өөрсдийн ёс, соёл заншил, үндэсний хувцас, дуу, ардын бүжиг, морин хуурын уянгалаг аялгуу болоод таталган Монгол бичгийн гайхамшгийг сонирхуулсан байна.

Өдөрлөгт гадаад, дотоодын нийтдээ 100 гаруй зочид, төлөөлөгчид оролцсон бөгөөд идээ, цагаа засаж, хоолны амталгааг ч явуулжээ.

Мөн зураач н.Дашмягмар уран бүтээлээсээ өдөрлөгт авчран, үзэсгэлэн гаргасан байна.

“Өөрсдийн туулж өнгөрүүлсэн түүх болоод, өнөөгийн байгаа дүр төрхийг зурган үзэсгэлэн болгон үзүүлсэн нь энэхүү өдөрлөгийн нэгэн том ололт юм. Одоог хүртэл барууныхан бид бүгдийг Монгол гэртээ амьдарч, малаа л маллаж, нүүдэлчин хүмүүс л байгаа гэсэн бодолтой байгааг хэлэхгүй өнгөрч чадахгүй нь. Тиймээс энэ бүх ойлголтыг гадаадад сууж байгаа оюутнууд нийлэн засаж залруулах хэрэгтэй болов уу” хэмээн өдөрлөгийг зохион байгуулагчид онцолж байна.