Нийслэлийн Сүхбаатар дүүргийн 3 дугаар хорооны нутаг дэвсгэрт үйл ажиллагаа явуулдаг “Канте” шөнийн цэнгээний газрын гадаа талбайд энэ оны долоодугаар сарын 18-19-нд шилжих шөнө хэрэг гарсан.

Тодруулбал, Цэрэнпунцагийн Санжаачойпэл нар нь хохирогч Д.С-ын нүүрэн тус газарт нь гараараа цохих, хөлөөрөө өшиглөх зэргээр биед нь бүлэглэн халдаж эрүүл мэндэд нь хохирол учруулсан гэх гэмт хэрэгт холбогдон, цагдан хоригдож буй. Цагдан хорионы хугацаа өнөөдөр дуусах байсан.

Шүүгчийн захирамжийг прокурор эс зөвшөөрч Ерөнхий шүүгчид гомдол гаргасныг өчигдөр буюу наймдугаар сарын 27-ны өдөр хянан хэлэлцжээ.

Сүхбаатар дүүргийн Прокурорын газрын хяналтын прокуророос яллагдагч Ц.Санжаачойпэлд авсан цагдан хорих таслан сэргийлэх арга хэмжээний хугацааг 2025 оны 8 дугаар сарын 28-ны өдрөөс 9 дүгээр сарын 28-ны өдрийг хүртэл 1 сарын хугацаагаар сунгах тухай саналыг Дүүргийн Эрүү, иргэний хэргийн хялбар ажиллагааны анхан шатны тойргийн шүүхэд ирүүлсэн.

Шүүх прокурорын гаргасан саналыг хуульд нийцээгүй гэж дүгнэн (шүүгчийн дүгнэлтийг ЭНД-ээс бүтэн унших боломжтой) хүлээн авахаас татгалзаж шийдвэрлэсэн тул Ц.Санжаачойпэлийг өнөөдөр батлан даалтад гаргахаар болсон. 

Гэвч шүүгчийн захирамжийг прокурор эс зөвшөөрч Ерөнхий шүүгчид гомдол гаргасныг өчигдөр буюу наймдугаар сарын 27-ны өдөр хянан хэлэлцжээ.

Ерөнхий шүүгч гомдлыг хянан хэлэлцээд прокурорын саналыг хүлээн авахаас татгалзсан нь хууль зүйн үндэслэлгүй, хуульд нийцэхгүй гэж үзэн (ерөнхий шүүгчийн шийдвэрийг ЭНД-ээс унших боломжтой) прокурорын гаргасан гомдлыг хангасан байна. Улмаар шүүгчийн захирамжийг өөрчилж, яллагдагч Ц.Санжаачойпэлд авсан цагдан хорих таслан сэргийлэх арга хэмжээний хугацааг 1 сарын хугацаагаар сунгаж шийдвэрлэсэн байна.