Цэвэрлэх байгууламжийн засварыг маргаашийн үүрийн 03.00 цагаас хийхээр болсон.

Тэгвэл энэхүү ажилтай холбогдуулан өнөөдрийн 22.00 цагаас маргааш өглөөний 08.00 цаг хүртэл орон сууцны усыг хязгаарлахаар болжээ.

Харин ус хамгийн их ашигладаг томоохон үйлдвэрүүдийн усыг засвар хийж дуустал буюу амралтын өдрүүдэд хаах юм.

Энэ талаар Ус сувгийн удирдах газраас тодруулахад "Тийм ээ. Орон сууцны айлуудыг усын түр хугацаагаар хаана. Өөрөөр хэлбэл энэ хугацаанд ус, дулаан дамжуулах төвүүдийн усыг хязгаарлана" гэв.

Иймийн тул иргэд ундны хэрэглээний усаа нөөцлөхийн сацуу засварын өдрүүдэд ус бага хэрэглэхийг холбогдох байгууллагаас анхааруулж байна.