Хараагүй хүүхдүүдэд аливаа эд зүйл, дүрсийг бодитоор бариулж танилцуулах боломж бүрдлээ. Монголын хараагүйчүүдийн үндэсний холбооны дэргэдэх брайль хэвлэлийн төвийн хүчин чадлыг нэмэгдүүлэх төслийг Чехийн хөгжлийн хамтын ажиллагааны хүрээнд орон нутгийн жижиг төслөөс санхүүжүүлж, 280 мянган чех кроны өртөг бүхий 3D принтерийг өнөөдөр хандивлалаа. Энэ арга хэмжээнд Чех улсаас  Монгол Улсад суугаа Онц бөгөөд Бүрэн Эрхт Элчин сайд, хатагтай Ивана Гроллова болон албаны хүмүүс оролцсон.

Уг принтерийн тусламжтай музейн зарим барьж болохгүй үзмэрүүд, массажийн сургалтад шаардлагатай хүний биеийн модеоиуд, геометрийн дүрсүүд, үзэгний сав гэх мэт олон зүйлийг болитоор хийж болдог аж.

“Төрөлхийн хараагүй хүмүүст аливаа зүйлийг таниулахдаа биет хэлбэрээр гарт нь бариулж, бодит төсөөллийг бий болгодог. Мөн хараагүй сурагчид үзүүлэнг тэмтрэн баримлын шавар, крамикаар дуурайлган хийж бүтээлч сэтгэлгээгээ хөгжүүлэх боломжтой байдаг” гэж тус холбооны ерөнхийлөгч Д.Гэрэл ярилаа.