2014 оны байдлаар үйлчилгээ, худалдааны салбарын алдагдал 18 хувиар өсчээ. Алдагдлын хэмжээг мөнгөн дүнгээр илэрхийлвэл 1,553.2 сая ам.долларт хүрсэн байна.  

Тодруулбал, аяллын үйлчилгээний зардал өсч, эсрэгээр орлого буурсан, багцын хөрөнгө оруулалттай холбоотойгоор санхүүгийн үйлчилгээний зардал өссөн, түүхий газрын тосны экспорт өссөнөөс гадаадын хөрөнгө оруулагчид төлөх орлогын дүн өссөн зэрэг нөлөөлжээ.

2014 онд үйлчилгээний болон орлогын дансны алдагдал өнгөрсөн жилтэй харьцуулахад өссөн нь ОУВС-гийн зөвлөмжийн дагуу түүвэр судалгааны таамаг тооцоог шинэчилж, мэдээллийн эх сурвалжийг нэмсэнтэй ч холбоотой гэнэ.

Гадаадын шууд хөрөнгө оруулалтын дүн мэдээг танилцуулвал,  өнгөрсөн оноос 87 хувиар буюу 1,822.1 сая ам.доллараар буурсан байна. Гэхдээ

• Багцын хөрөнгө оруулалтын эх үүсвэр 432.9 сая ам.доллараар,
• Бусад хөрөнгө оруулалтын эх үүсвэр 1,037.8 сая ам.доллараар тус тус өссөнөөр шууд хөрөнгө оруулалтын бууралтыг нөхөн санхүүжүүлсэн хэмээн Монголбанкнаас мэдээллээ.