"Найрсаг Улаанбаатар" хөтөлбөрийн хүрээнд орчин үеийн болон үндэсний урлагийн үнэт зүйлийг сурталчлах, жуулчдын тоог нэмэгдүүлэх зорилгоор энэ онд соёл, урлагийн томоохон үйл ажиллагааг Хотын захиргаа, нийслэлийн Соёл урлагийн газар, аж ахуйн нэгж байгууллагатай хамтран зохион байгуулах гэж байна.

Өнөөдөр энэхүү хөтөлбөрийн хүрээнд Хотын захиргаа болон нийслэлийн Соёл урлагийн газар хамтран ажиллах санамж бичигт гарын үсэг зурлаа.

• Тавдугаар сарын 17-ноос 23-ны өдрүүдэд “Гэгээн Муза-12” драмын урлагийн наадмыг “Гэгээн муза” академитай,
• долоодугаар сарын 5-ны өдөр “Их талын жазз” олон улсын наадмыг “Их талын жазз” ТББ-тай,
• долоодугаар сарын 12-ны өдөр “Сайланс вайт” электро хөгжмийн наадмыг “Монгол Микс Прожект” ХХК-тай тус тус хамтран зохион байгуулахаар гэрээ байгууллаа.

Мөн зургаадугаар сард

• “Play time” амьд хөгжмийн наадам,
• “Венийн үдэш” цэнгүүн, “
• UB dance фестиваль” чөлөөт бүжгийн үдшийг зохион байгуулахаар төлөвлөж байна.

Гэрэл зургийг: Б.Бямба-Очир