УИХ-ын дарга З.Энхболд Засгийн газраас өргөн мэдүүлсэн Тавантолгойн тогтоолын төслийг хэлэлцэх боломжгүй хэмээн буцааснаа твиттер хуудсаараа дамжуулан олон нийтэд уламжиллаа.

Шалтгааныг УИХ-ын Тамгын газрын Ерөнхий нарийн бичгийн дарга Б.Болдбаатарын тайлбарласнаар “Уг тогтоол нь хууль, УИХ-ын тогтоолын төсөл боловсруулах журмын тухай хуулийн шаардлага хангаагүй учир хүлээн авах боломжгүй” гэж үзжээ.

Тэрбээр Тавантолгойн тогтоолын төслийг хүлээн авах боломжгүй болсон шалтгаанаа ЗГХЭГ-ын дарга С.Баярцогтод хандан албан бичгээр илгээснийг хавсаргав.