Дэлхийн салхины эрчим хүчний зөвлөл, Монголын салхины эрчим хүчний ассоциаци хамтран 2015 оны зургаадугаар сарын 4–5 нд “Салхины эрчим хүч ба байгаль орчин” сэдэвт олон улсын хурлыг Улаанбаатарт зохион байгуулна.

Энэ хурлын зорилго нь хууль, эрх зүйн бодлого тодорхойлогчдод салхины эрчим хүч ашиглахын ашиг тус, технологийн шийдэл, хөгжил дэвшил, зах зээлийн талаар үнэн зөв мэдээллүүд хүргэх, хөрөнгө оруулалтын орчныг сайжруулах, салхины эрчим хүчний зах зээлийг тэлэхэд улс төрчдийн дэмжлэгийг авах, гадаадын хөрөнгө оруулагчдад эрчим хүчний салбарын талаарх мэдээллүүдийг өгч, Монгол Улсын сэргээгдэх эрчим хүчний салбарт ялангуяа салхины эрчим хүчний салбар дахь хөрөнгө оруулалт хийх сонирхлыг нэмэгдүүлэх, донор байгууллагуудын хамтын ажиллагааг нэмэгдүүлэх юм.