“Сентерра голд” компанийн “Гацуурт” төслийн талаарх маргаан “Ноён уулаа аварья” хөдөлгөөнийхөн өлсгөлөн зарласнаас хойш хүчээ авлаа. Иргэдийн дунд Ноён уул нь хаана байдаг, Хүннүгийн булш олддог Сүжигтийн ам нь хаана нь байдаг, Гацууртын олборлолт явуулах гээд байгаа талбай нь хэдэн км-т оршдог вэ гэсэн асуулт ихээхэн маргаан дэгдээж буй. Тиймээс бид Ноён уулын бүс нутгаас байршлын талаарх ойлголт өгөх зорилготой хийсэн сурвалжлагаа та бүхэнд хүргэж байна.

Гацуурт төслийн талаарх Сентерра Голд компаниас Засгийн газарт танилцуулсан мэдээллээс товчлон хүргэе.

Гацууртын төсөл нийт 303 га талбайг хамарна. Үүний 146 га нь Гацууртын ашиглагдсан шороон ордын сэргээгдээгүй талбай юм. Энэ талбайд нийт 503 тэрбум төгрөгийн хөрөнгө оруулалттайгаар 42 тонн алт, 3,7 тонн мөнгө үйлдвэрлэнэ. Төслийн хүрээнд 1000 гаруй ажлын байр бий болж, 24 туслах компанитай гэрээ байгуулан ажиллана гэжээ. Олборлолтын явцад энэ бүсийн 70 га талбайн ой нөлөөлөлд орох талаар танилцуулганд дурьдсан байна. Гацуурт компанийн шороон ордын олборлолтын улмаас нутаг дэвсгэр дээрх голын голдирол алдагдсан ч, овоолгоны том том чулуунуудын дундуур гол нь бага багаар урссаар байдаг гэнэ.

Төслийн хугацаанд Монгол Улсад оруулах нийт үр өгөөжийг 1,885,8 тэрбум төгрөг хэмээн заажээ. Үүнийг задлан харуулвал:

• Дотоодод хийх худалдан авалт /үйл ажиллагааны зардал/: 929,6 тэрбум төгрөг
• Улсын төсөвт төлөх нийт татвар, хураамж, төлбөр: 600,3 тэрбум төгрөг
• Дотоодод хийх худалдан авалт /капитал зардал/: 205,6 тэрбум төгрөг
• Монгол ажилчдын цалин 134,8 тэрбум төгрөг
• Орон нутгийн хөгжлийн сангууд ба хандив: 15,5 тэрбум төгрөг

Бид Ноён уулаас 30 гаруй км замыг туулж Сэлэнгэ аймгийн Мандал сумын нутаг дэвсгэрийг зорьлоо. Мандал сумын иргэдийн сэтгэгдлийг сонссон юм.

Ийнхүү бидний сурвалжлага өндөрлөлөө. Олон талын байр суурь, олон хүний үзэл бодол Ноён уултай холбоотойгоор өрнөсөөр байна.

Сэтгүүлч: О.Ариунбилэг

Оператор: Д.Жавхлантөгс

Жолооч: Ч.Жавхлан