Монголын үүрэн телефоны анхдагч Мобиком Корпорацийн 30 жилийн ойд зориулсан улс, аймгийн алдар цолтой хүчит 128 бөхийн барилдаан 3-р сарын 22-ны ням гарагийн 11.00 цагт Монгол бөхийн өргөөнд эхэлнэ. Энэ барилдааны бүртгэлийг Монголын үндэсний бөхийн холбооны фэйсбүүк хуудсаар 3-р сарын 20-ны баасан гарагт буюу өнөөдөр цахимаар явуулна.

“Мобиком- 30 жил” барилдаан хоёр үе шаттай. Эхнийх нь улс, аймгийн цолтой 128 бөхийн барилдаан. Удаах нь чансаа өндөр 16 бөхөөс хамгийн олон санал авсан дөрвөн бөхийн халз барилдаан. 128 бөхийн барилдааны дараа халз барилдааныг зохион байгуулах бөгөөд та халз барилдаанд зодоглох бөхчүүдийн санал хураалтын дүнг харах бол ЭНД дарна уу. 

"Мобиком-30 жил" 128 бөхийн барилдааны:

• Түрүү бөх - 30 сая төгрөг
• Үзүүр түрүү бөх - 15 сая төгрөг
• Их шөвгийн 2 бөх тус бүр - 5 сая төгрөг
• Дунд шөвгийн 4 бөх тус бүр - 2 сая төгрөг
• 1-4-ийн даваа хүртэл даваа бүр - 300 мянган төгрөгийн бай шагналтай. 

Халз барилдааны шагналын сан 40 сая төгрөг.

• Түрүү бөх - 20 сая төгрөг
• Үзүүр бөх 10 сая төгрөг 
• Шөвгийн хоёр бөх тус бүр 5  сая төгрөгийн шагналтай. 

Халз барилдаанд оролцохыг дэмжиж буй дөрвөн бөхдөө МonPay аппликэйшн болон үүрэн телефоны аль ч операторын дугаараас өөрийн дэмжиж буй бөхийн саналын дугаарыг бичиж 143030 дугаарт SMS-ээр илгээж саналаа өгөх боломжтой. Санал асуулга 3-р сарын 21-ний өдрийн 18:00 цаг хүртэл үргэлжилнэ.  

Бөх сонирхогч Та: 

• MonPay болон SMS-ээр саналаа өгч
• Монгол бөхийн өргөөнд очиж амжихгүй бол халз барилдааны шууд дамжуулалтыг зөвхөн VOO-ээр үзэж
• Бөх тайлбарлагч Ц.Батнасангийн тайлбартайгаар Sonsy-оор сонсож
• Gogo.mn болон MonPay-ээр санал асуулгын үр дүнг шууд хараарай.