• Сагсан бөмбөгийн Азийн аваргуудын лигийн тоглолтууд Монголд эхэллээ.
• А хэсэгт багтсан Монголын "Bishrelt Metal" баг эхний тоглолтдоо Индонезын аваргуудад хожигдлоо.

Сагсан бөмбөгийн Азийн аваргуудын лиг буюу "Basketball Champions League Asia"-д оролцох эрхийн төлөөх урьдчилсан шатны тэмцээн Монголд эхэллээ. Азийн Аваргуудын лигт орох хоёр эрхийн төлөөх тэмцээнд Монголын Үндэсний Дээд лигийн хоёр баг оролцож байна.

Өнөөдрийн сүүлийн тоглолт А хэсгийн "Bishrelt Metal" болон Индонезын "Prawira Harum Bandung" багуудын хооронд болж 83-66 харьцаагаар Индонезын лигийн аварга баг хожлоо.

Бишрэлт Металаас Жинтал Силла 23 оноо, 4 самбар, Түмэнбаярын Ууганбаяр 14 оноо, 9 самбартайгаар багаа тэргүүлэв. Харин эсрэг багаас Антонио Хэстер 21 оноо, Юүда Сапутера 19 оноо, 7 дамжуулалт, Брандон Фрэнсис 19 оноо, 8 самбар, 5 дамжуулалтаар багтаа тус хүргэжээ.

• Хасын Хүлэгүүд баг Азийн аваргуудын лигийн эхний тоглолтдоо хожлоо
• 3х3 эмэгтэй, эрэгтэй шигшээ багууд Азийн аваргаас хүрэл медаль хүртлээ
• "FIBA 3x3 Asian Cup 2024"-д Монголын эмэгтэй баг ШИЛДЭГ ДӨРӨВТ ШАЛГАРЛАА

Өнөөдрийн тоглолтуудын үр дүн:

• NS Matrix Deers /Малайз/ 73-80 Hong Kong Eastern Basketball Team /Хонконг/
• Hi-Tech Basketball Club /Тайланд/ 81-99 Pelita Jaya Basketball /Индонез/
• Ulaanbaatar Xac Broncos /Монгол/ 98-74 Adroit club /Сингапур/
• Prawira Harum Bandung /Индонез/ - Bishrelt Metal /Монгол/

Ийнхүү А хэсгийг Hong Kong Eastern Basketball Team, Prawira Harum Bandung багууд, В хэсгийг Pelita Jaya Basketball, Ulaanbaatar Xac Broncos багууд тэргүүлж байна.