Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
Тархины саатай залуучуудад зориулсан “Тэдний мөрөөдлийг биелүүлцгээе” хандивын арга хэмжээг хоёр дахь удаа зохион байгуулжээ.
Хүнд хэлбэрийн тархины саатай залуусын “Эрчис” хөгжлийн клуб энэ үйл ажиллагааг санаачилсан байна.
Тэдний зорилго тархины саатай залуусыг оролцуулсан, нийгэмд тустай арга хэмжээнүүд зохион байгуулах, саа өвчтэй залууст авъяас чадвараа хөгжүүлэхэд нь дэмжлэг үзүүлэх юм байна.
Иймд тэд өчигдөр өөрсдийн хийсэн амтат бялуу, коктейл, зайрмагны худалдаа явуулан, нууцлаг авъяасын шоу үзүүлбэрүүд бэлтгэн, хүрэлцэн ирсэн хүмүүсийн шог зургийг газар дээр нь зурах зэргээр хандивын арга хэмжээгээ зохион явуулжээ.
Хандивын хуримтлалаа Эрчис клубын нэг жилийн үйл ажиллагааны зардалд зарцуулах юм байна.
Гэхдээ хандив босгох, мөнгө хөрөнгө нь клубынхны хоёрдугаар зорилго гэнэ. Тэд энэхүү арга хэмжээгээрээ дамжуулан хэнээс ч дутахгүй чадвартай гэдгээ батлахыг зорьжээ.
“Бидэнд хүсэл тэмүүлэл, тэвчээр, сэтгэл, оюун, авьяас чадвар байна. Үүний илрэл нь манай залуусын үзүүлбэрүүд, хийсэн амттан, уран бүтээлийн худалдаа. Энэ бол манай клубын нэг жилийн тайлан”гэж тус клубын залуус ярьж байв.
“Бид хүнээс зүгээр хандив гуйхгүй, сайхан сэтгэлийн өрөвдсөн гараа сунгах ч хэрэггүй. Харин бидний хийсэн зүйлсээс амтлаад, үзүүлэх үзүүлбэрээс сэтгэл, гоозүйн таашаал мэдрээд, бидний хийсэн ба хийх гэж буй зүйлсийг дэмжээд та урмын их хандив өргөөрэй” гэж тус клубын гишүүн Намуунцэцэг ярьсан юм.
"Эрчис" клубын цаашдын зорилго нь хөгжлийн төв байгуулахад чиглэж байна. Монгол улсын тусгай боловсролын тогтолцоо хангалттай боловсрол олгодоггүй учир тархины саатай /хөгжлийн бэрхшээлтэй/ төгсөгчид ЭЕШ өгч, их дээд сургуульд суралцах боломжгүй байдаг.
Иймд тусгай сургуулийн төгсөгчдийн сонирхлын дагуу албан бус боловсрол олгох журмаар мэргэжлийн сургуулиудад зуучлах, хувь хүний хөгжлийн сургалтууд явуулж, тэднийг сэргээн засах дасгалын өрөө ажиллуулан, уулзалтууд тогтмол зохион байгуулах зорилготой аж.
Үүгээр зогсохгүй ЕБС-ийн тогтолцоонд өөрчлөлт оруулж, ялгаваргүй, тэгш боловсрол эзэмшихийн төлөө ажиллах юм байна.
"Эрчис" клуб-д 16 наснаас дээш насны залуус байдаг. Тэд “Бидний ард олон дүү нар маань “тархины саа” хэмээх өвчний хүлээстэй тэмцэлдэн өсч байна. Бид тэдэнд гэрэлтэй замыг тавих үүрэгтэй” гэж үздэг байна.
Тархины саатай залуучуудад зориулсан “Тэдний мөрөөдлийг биелүүлцгээе” хандивын арга хэмжээг хоёр дахь удаа зохион байгуулжээ.
Хүнд хэлбэрийн тархины саатай залуусын “Эрчис” хөгжлийн клуб энэ үйл ажиллагааг санаачилсан байна.
Тэдний зорилго тархины саатай залуусыг оролцуулсан, нийгэмд тустай арга хэмжээнүүд зохион байгуулах, саа өвчтэй залууст авъяас чадвараа хөгжүүлэхэд нь дэмжлэг үзүүлэх юм байна.
Иймд тэд өчигдөр өөрсдийн хийсэн амтат бялуу, коктейл, зайрмагны худалдаа явуулан, нууцлаг авъяасын шоу үзүүлбэрүүд бэлтгэн, хүрэлцэн ирсэн хүмүүсийн шог зургийг газар дээр нь зурах зэргээр хандивын арга хэмжээгээ зохион явуулжээ.
Хандивын хуримтлалаа Эрчис клубын нэг жилийн үйл ажиллагааны зардалд зарцуулах юм байна.
Гэхдээ хандив босгох, мөнгө хөрөнгө нь клубынхны хоёрдугаар зорилго гэнэ. Тэд энэхүү арга хэмжээгээрээ дамжуулан хэнээс ч дутахгүй чадвартай гэдгээ батлахыг зорьжээ.
“Бидэнд хүсэл тэмүүлэл, тэвчээр, сэтгэл, оюун, авьяас чадвар байна. Үүний илрэл нь манай залуусын үзүүлбэрүүд, хийсэн амттан, уран бүтээлийн худалдаа. Энэ бол манай клубын нэг жилийн тайлан”гэж тус клубын залуус ярьж байв.
“Бид хүнээс зүгээр хандив гуйхгүй, сайхан сэтгэлийн өрөвдсөн гараа сунгах ч хэрэггүй. Харин бидний хийсэн зүйлсээс амтлаад, үзүүлэх үзүүлбэрээс сэтгэл, гоозүйн таашаал мэдрээд, бидний хийсэн ба хийх гэж буй зүйлсийг дэмжээд та урмын их хандив өргөөрэй” гэж тус клубын гишүүн Намуунцэцэг ярьсан юм.
"Эрчис" клубын цаашдын зорилго нь хөгжлийн төв байгуулахад чиглэж байна. Монгол улсын тусгай боловсролын тогтолцоо хангалттай боловсрол олгодоггүй учир тархины саатай /хөгжлийн бэрхшээлтэй/ төгсөгчид ЭЕШ өгч, их дээд сургуульд суралцах боломжгүй байдаг.
Иймд тусгай сургуулийн төгсөгчдийн сонирхлын дагуу албан бус боловсрол олгох журмаар мэргэжлийн сургуулиудад зуучлах, хувь хүний хөгжлийн сургалтууд явуулж, тэднийг сэргээн засах дасгалын өрөө ажиллуулан, уулзалтууд тогтмол зохион байгуулах зорилготой аж.
Үүгээр зогсохгүй ЕБС-ийн тогтолцоонд өөрчлөлт оруулж, ялгаваргүй, тэгш боловсрол эзэмшихийн төлөө ажиллах юм байна.
"Эрчис" клуб-д 16 наснаас дээш насны залуус байдаг. Тэд “Бидний ард олон дүү нар маань “тархины саа” хэмээх өвчний хүлээстэй тэмцэлдэн өсч байна. Бид тэдэнд гэрэлтэй замыг тавих үүрэгтэй” гэж үздэг байна.