Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Зураг төсөв боловсруулах ажлыг зохион байгуулах тухай” захирамж гаргажээ.

Захирамжаар нийслэлийн төсвийн хөрөнгөөр 2013-2015 онд он дамжин хэрэгжих шинээр баригдах барилга байгууламж, авто замын зураг төсөв, ТЭЗҮ, хэсэгчилсэн ерөнхий төлөвлөгөө боловсруулах ажлын төлөвлөгөөг баталсан байна.

Үүнд, Налайх дүүргийн үйлдвэр технологийн паркийн хэсэгчилсэн ерөнхий төлөвлөгөө боловсруулах ажил, Баянзүрх дүүргийн 19 дүгээр хороонд тавигдах 3,0 км авто замын зураг төсөл, Баянзүрх дүүргийн 24 дүгээр хороонд барих 2,8 км авто замын зураг төсөл,  тус дүүргийн 9 дүгээр хороонд барих 2,5 км авто замын зураг төсөл, Хан-Уул дүүргийн 15 дугаар хорооны нутаг дэвсгэрт UB town, Wizard town орчмын бохир усны гол шугамын зураг төслийг баталлаа.

Энэ хөрөнгө оруулалтын ажлыг гүйцэтгэлээр санхүүжүүлэхийг холбогдох албаныханд даалгажээ.

• Налайх дүүргийн үйлдвэр технологийн паркийн хэсэгчилсэн ерөнхий төлөвлөгөө боловсруулах ажил- 180 сая төгрөг
   
• Автозамын зураг төсөл 3,0 км /БЗД, 19 дүгээр хороо/-60 сая төгрөг
   
• Авто замын зураг төсөл 2,8 км /БЗД, 24 дүгээр хороо/- 56 сая төгрөг
   
• Авто замын зураг төсөл 2,5 км /БЗД, 9 дүгээр хороо/- 50 сая төгрөг
   
• Хан-Уул дүүргийн 15 дугаар хорооны нутаг дэвсгэрт UB town, Wizard town орчмын бохир усны гол шугамын зураг төсөл- 40 сая төгрөг