Хуучнаар хорооллын мөсөн каток буюу Баянгол дүүргийн 18 дугаар хорооны нутаг дэвсгэр дэх 32Б байрны арын мөсөн гулгуурын талбайн газрыг “Бяцхан билэгт хүү” нийгэмд үйлчлэх ТББ-ын мэдэлд байдаг. 4000 ам метр талбайтай уг газрын зориулалтыг өөрчилж, үйлчилгээтэй орон сууц барихаар болсон байна.

Иймд хотын удирдлагууд энэ шийдвэрийг цуцлах шийдвэр гаргажээ.

Хотын дарга Х.Нямбаатар, “Бяцхан билэгт хүү” ТББ-ын эзэмшиж буй уг газрыг Баянгол дүүргийн ЗДТГ-ын нэр дээр буцаан шилжүүлж авахаар боллоо. Та бүхэнд энэ зориулалтаар нь, ийм хэмжээний газар олгоно. Эсвэл нийслэлээс нөхөн олговор олгоё. Энэ байгууллагын удирдлагууд Нийслэлийн газрын албаны дарга Мөнхбаатартай уулзаарай.

Энэ газарт спортынх нь зориулалтаар шинээр тохижилт хийнэ. Энэ хэсэгт сагсан бөмбөгийн 3х3-ын талбай, өвөлдөө мөсөн гулгуурын талбайн зориулалтаар нь ажиллуулна. Газрыг Баянгол дүүргийн ЗДТГ-ын мэдэлд авсны дараа тохижилтын зураг төслийг гаргаж, хөрөнгө оруулалт хийнэ. 

Нягтаршил ихтэй IV хорооллын дунд том орон сууц баривал энэ орчмын авто замын ачаалал ч  дийлэхгүй.

Нөгөө талаас энэ хэсэг бол Хороололд өссөн хүүхдүүдийн дурсамж үлдсэн газар. Энэ ТББ-ын байгууллагын хүмүүс ч энэ катокт тоглож, спортын гараагаа эхэлсэн залуучууд гэж ойлгосон. Та бүхний дурсамж шингэсэн газрыг зориулалтаар нь үлдээе. Харин та бүхэнд өөр газар санал болгоё. Эсвэл нийслэлээс тодорхой хэмжээний нөхөн олговор олгоё” гэв.