Өргөдлийн байнгын хорооны хуралдаан үргэлжилж байна. Хуралдаанаар, Ерөнхий боловсролын сургуулийн хоол үйлдвэрлэл, үйлчилгээний тухай хуулийн хэрэгжилтийн үр дагаварт хийсэн үнэлгээний тайланг хэлэлцэж байгаа юм.

УИХ-ын гишүүн П.Сайнзориг “Бүгд л өнөөдөр хүүхдийн эрх ярьж байна. Нийгмийн эрүүл мэндийн асуудлаа Эрүүл мэндийн яам яриад байгаа. Гоё гоё зүйлс ярьж байгаа ч асуудал байгаа онохгүй байна.

Хүн хоол, хүнснээс ажиллах, суралцах, хөгжих шим тэжээлээ олж авч байгаа. Үүнийг сайн хэрэгжүүлбэл бидний маш олон асуудлыг шийднэ. Эрүүл мэндийн салбарт хэмнэлт, хүүхдийн өсөлт хөгжилд давуу тал авчирна. Үүнийг бүгд мэдэж байгаа. Тэгэхээр зохион байгуулалтыг жижиг ААН-үүдэд хариуцуулах хэрэгтэй. Боловсролын яам нэгдсэн байдалд оруулах хэрэгтэй.  

Хотод үйл ажиллагаа явуулдаг ресторанууд өглөөгүүр ажилгүй л байгаа. Ойр байрлалтай 2-3 сургуулийн хоолыг нэг ресторан зохион байгуулах боломжийг олгомоор байна.

Сургуулийн захирал бид түрээсийн гал тогоог болиулаад өөрсдөө авснаар хоолны шим тэжээлийг нэмж байна гэж ярилаа. Захирал уг нь сургалтын хөтөлбөр, үйл ажиллагаандаа анхаармаар байна шүү дээ. Удахгүй сургуулийн захирал махаа татах гээд Дэнжийн 1000 дээр, ногоо авах гээд Барс захад явж байх нь. Нөгөө талдаа хүүхдүүдийн үндсэн сурч, боловсрох асуудлын зохион байгуулалтыг хаях нь. Ийм асуудал их байгаа юм билээ.

Тэгэхээр зохион байгуулалтын ажлыг хувийн хэвшилд нь өгч болохгүй юм уу. Хотод үйл ажиллагаа явуулдаг ресторанууд өглөөгүүр ажилгүй л байгаа. Ойр байрлалтай 2-3 сургуулийн хоолыг нэг ресторан зохион байгуулах боломжийг олгомоор байна. Ийм байдлаар хорших боломж бий юу, ядаж дүүрэг, дүүргээрээ. Юм болгон дээр худлаа зарчим яримааргүй байна” гэлээ.