Засгийн газрын шийдвэрээр Хөгжлийн банкинд хийсэн шалгалтын тайлан гарч, дүнг тус банкинд хүргүүлэн улмаар Засгийн газрын тогтоол гарсан гэдгийг ЗГХЭГ-ын дарга Л.Оюун-Эрдэнэ мэдээллээ.

Евро, Чингис, Самурай бондоор нийт 4.38 их наяд төгрөгийн эх үүсвэр бий болгосон бөгөөд ноцтой зөрчилтэй зээлүүдийг шалгалтаар гарган иржээ. Тухайлбал, Хөтөл, Мон лаа, ТОСК, МАК цемент, Эрэл зэрэг компанийг ноцтой зөрчилтэй зээлдэгчээр нэрлэжээ.

Л.Оюун-Эрдэнэ "Хөгжлийн банкны ТУЗ-д өөрчлөлт оруулсан, гүйцэтгэх удирдлага өөрийн хүсэлтээр ажлаа өгсөн. Хүний нөөцийн чадамж тааруу. Тиймээс Т.Амартүвшин захиралд санал тавьсан. Шилжилтийн үед удирдан зохион байгуулах ажлыг хариуцна" гэв.