АХ-ын 96 жил, Архангай аймгийн баяр наадам боллоо.

Бөхийн өлгий Арын сайхан нутгийн наадамд 256 бөх зодоглож Хотонт сумын харьяат, аймгийн заан Л.Жамбал түрүүлж, аймгийн арслан цол хүртэв. Жамбалын хувьд өнгөрсөн жил үзүүрлэн аймгийн заан болсон юм. 

Харин Тариат сумын харьяат, аймгийн нэмэх начин Г.Болдгэрэл үзүүрлэж, аймгийн заан цол хүртлээ. Батцэнгэл сумын харьяат, цэргийн начин Б.Зоригтбаатар, Цэнхэр сумын харьяат, сумын заан Б.Батсайхан нар их шөвөгт үлдэж, аймгийн харцага цолд хүртэв.