Эрүүл мэндийн яамнаас мэдээлэл хийж байна.

ХӨСҮТ-ийн ерөнхий захирал Д.Нямхүү, 4-р сарын 29-нд улсын хэмжээнд халдварын сэжигтэй тохиолдол бүртгэгдээгүй. Өчигдөр ХӨСҮТ-ийн хоёр лаборатори, Дарханд шинээр нээгдсэн лабораториудад нийт 163 хүний сорьцонд шинжилгээ хийхэд коронавирус илрээгүй.

Задалж хэлбэл, ХӨСҮТ-д тусгаарлагдсан 12, Дорноговь аймагт тусгаарлагдсан 31, Замын-Үүдэд тусгаарлагдсан нэг, тандалтын зорилгоор цуглуулсан 46 хүний шинжилгээгээр коронавирус илрээгүй. Тандалтын шинжилгээг Өвөрхангай аймаг, Багануур дүүрэг гэх мэт орон нутгаас сонгон авч, улс орон дотор коронавирус байгаа эсэхийг шинжилж байгаа хэрэг.

Дархан-Уулын лабораторид Алтанбулагийн боомтоор орж ирсэн ачаа тээврийн 31 жолооч, ажиглалтад байсан 43 хүний давтан шинжилгээнд вирус илрээгүй. ХӨСҮТ-д өнөөдөр 73 хүн ажиглалтад байна. Тусгай нислэгээр ирэх иргэдэд зориулж ХӨСҮТ-д 150 орсон бэлдсэн. 

Оросоос ирсэн оюутнууд тусгаарлагдаад 20-иод хонолоо. 3-4 удаагийн давтан шинжилгээ хийхэд коронавирус илрээгүй. Одоо Оросын оюутнуудын “аюул” гайгүй болсон гэж тооцож байна. 

Хэдэн хүн хатгаатай, хэдэн хоног дамжин халуурсан, гүйлгэж суулгасан өвчтөнүүд байна. Эмчилгээ, сувилалдаа онцгой анхаарч, давтан шинжилгээнүүд хийсээр байна. Эрүүл мэндийн суурь үзүүлэлтүүдийг хянаж, оношилгоо шинжилгээ хийхэд онцгой анхаарч байна. 

Д.Нарангэрэл, ХӨСҮТ-д COVID-19 халдвартай 28 хүн эмчлүүлж байна. 5310 хүнийг ажиглалт тусгаарлалтад авснаас өнөөдөр 466 хүн ажиглалтад байна. 284 хүн өчигдөр тусгаарлалтаас гарлаа.

Дулаарсан учир хүүхдүүд гадаа тоглох, нэг савнаас ус, ундаа дамжуулан уух нь харагдаж байна. Халдвар шүлсээр дамждаг учир хүн бүр өөрийн аяга, халбага, ариун цэврийн хэрэглэлтэй байхыг анхааруулж байгаа. Иймд эрүүл мэндийн байгууллагын зөвлөмжийг алдахгүй дагахыг анхаарууллаа. 



Б.Янжмаа, 4-р сарын 29-ний байдлаар дэлхийн хэмжээнд 3.1 сая хүн халдвар авч, 224 мянган хүн эндээд байна. АНУ-д нас баралт 59 мянга давлаа.

Сүүлийн өдрүүдэд Бразил, Казахстан, ОХУ, Турк улсад халдварын тархалт өндөр байна. Бразилд 6276 шинэ тохиолдол бүртгэгдэж, нийт халдварын тоо 78 мянга давлаа. ОХУ-д сүүлийн долоо хоногт 48 мянган шинэ тохиолдол, 400 гаруй нас баралт бүртгэгдлээ.  ОХУ гуравдугаар сараас эхлүүлсэн гадаадын иргэнийг нэвтрүүлэхгүй байх хилийн хоригийнг тодорхойгүй хугацаагаар сунгалаа.