Ерөнхий сайд гадаадад айлчилж байна. Түүнийг мор­дохоос өмнө айлчлалыг хойш­­луулах талаар УИХ дахь Ард­чилсан намын зөвлөл са­нуулсан боловч анзаарч авч үзээгүй гэнэ.

Сөрөг хүчин эрх баригчдаас шаардаж пар­ламент дээр тунараад байгаа дөрвөн сайдыг хэ­лэлцэж хариуцлага тооцох ёстой гэж өн­гөр­сөн долоо хоногийн пүрэв гаригт мэ­дэгдэж байсан юм.Тэр дагуу ийм санал гар­гасан байх.

Ерөнхий сайд гурван сай­дыг огцруулах тухай са­налыг эхлээд оруулсан. Ха­рин да­раа нь эгүүлэн татсан байгаа. Ийм алхам хийхдээ огц­руу­лах сайд нар дээр хүн нэг бүрээр үндэслэлийг нь сайж­руулж буцааж УИХ-д оруу­лахаар амласан гэх. Гэвч одоогоор түүний зүгээс ийм ал­­­хам хийгээгүй байна. Энэ нь сөрөг хүчний тө­лөө­лөгч­дийг төрийн албан ёсны айлч­лалаас гэдийхэд хүр­гэсэн биз.

Ерөнхий прокурор УИХ-ын гурван гишүүнийг бүрэн эрхийг нь түдгэлзүүлж шал­гах санал оруулсан боловч цоохор Засгийн газрын ги­шүүд ирц бүрдүүлээд авч үлд­лээ. Парламентын шийд­вэрт Ерөнхийлөгч хориг тавь­даг. Энэ талаар Ерөн­хий­лөгчийн хуулийн бодлогын зөв­лөх Д.Зүмбэрэллхамаас тод­­руул­ахад “Ерөн­хий­лөгчийн хориг тавих хуу­лийн хугацаа дуусаагүй бай­на. Гэвч өнөөдөр энэ талаар яриг­даагүй” гэсэн хариу өг­лөө. Харин Эрх чөлөөг хэрэг­жүү­лэгч нам (ЭЧХН) УИХ-ын гур­ван гишүүнийг түд­гэл­зүү­лэх шаардлагагүй гэсэн тог­тоолыг Үндсэн хууль зөрч­жээ хэмээн үзэж Цэцэд ханд­сан байна. Гэвч нам гомдол гар­гах субъект биш гэсэн шалт­гаа­наар буцаажээ. Энэ на­мын гом­дол Цэцэд иргэний гом­дол мая­гаар дахин орох бо­лолтой. Ямар ч байсан гур­ван ги­шүү­нийг тойрсон хэл ам тас­рах­гүй үргэлжлэх шинж­­­тэй бай­на. Прокурор ч тун удахгүй дахин санал оруу­­­­лах тухай хэлж байна. Энэ нь Ерөн­хий сайдыг ирэхийг хү­лээж бай­гаа хэрэг биз ээ.

Ер нь өнөөгийн нөхцөлд эрх мэдэлтэнтэй хариуцлага ярих нь “үхсэн эмгэнээс ун­гас нэхэв” гэдэгтэй адил ут­га­тай болоод байна.

МАХН-ын дарга М.Энх­болд 2006 онд хариуцлагыг дан­­­гаараа үүрнэ гэж Ерөнхий сай­дын сэнтийд заларсан. Ха­рин энэ оргилд хүрснийхээ да­­раа парламентад суудал­тай бүх намд хамтарч засгийн эрх барина гэж зүтгэсэн. Түүний УИХ-д тавьсан урхинд Ард­чилсан намаас бусад нь ор­сон. Тэднээс Ард түмний нам хулхидуулав. Энэ намын хувьд УИХ-ын ээлжит сон­гуу­лийн дараа мэндэлсэн бо­лохоор парламентад суу­дал­­тай гэж үзэхэд хэцүү. Харин Бүгд найрамдах нам УИХ-ын бүтцэд багтдаг. Гэвч намын дарга Б.Жаргал­сайханыг Үйлд­­вэр, худал­дааны сай­даас авч хаяж сууд­лыг нь хэвээр хадгалжээ. Үүнээс өөр ху­вилбар түүнд байх­­гүй. Ерөн­­хий сайдын тан­хим до­торх жижиг сажиг хө­дөлгөөн нь хариуцлага тооц­сон үйл­дэл биш. Харин хэл амтай, өөрөөс нь давсан бод­л­ого хариуцсан салбартаа бий болгосных нь төлөө за­рим сайдад үзүүлж байгаа хахир зан Хамгийн их ха­риуц­лага ярь­сан хүн, хамгийн ха­риуц­лагагүй байдгийн жи­шээг М.Энх­­болд өнгөрсөн ху­га­цаанд өөрийн биеэр ха­руул­лаа. Иймд тэрээр ха­риуц­лагыг өөр дээрээ авах биш, хариуцлагаас намынхаа нөх­дийг хаацайлах гэж Ерөн­хий сайд болсон биз ээ.

МАХН-ынхны хувьд ав­лига “чи гурвыг авсан, би гурав­ханг авсан” гэдэг хэм­жээн­д хүрч хэнтэй ч юу ч ярьж болохоо байсан. Тухайлбал, Д.Одбаярыг огцруулна гэхэд У.Хүрэлсүхийн казино тог­ло­сон үйлдэл сөхөгдөж байх жишээ­­­тэй. Энэ мэт эрх ба­ригч­­дыг тойрсон шийдлээ хү­лээж байгаа олон зүйл бий. Гэтэл Ерөнхий сайд энэ бүхнийг огт тоолгүй хүний хүн шиг яваад өгөх юм даа. Төр зас­гийн алба нэг иймэрхүү бай­на.

Г.Эрдэнэбат