MCS групп цар тахалтай тэмцэж буй ХӨСҮТ-ийн хамт олонд 100 сая төгрөгийн үнэ бүхий дархлааг дэмжих гурван сарын хэрэгцээний бүтээгдэхүүн, зарим тоног төхөөрөмжийг хандивласан байна. Тус эмнэлгийн нийт арван эмч, сувилагч халдвар авсан юм.  

Мөн "Болд төмөр Ерөө гол" ХХК-ны удирдлага УБТЗ-ын хамт олонд гамшигтай тэмцэхэд нь зориулж, 50 мянган амны хаалт, 500 сая төгрөгийг өчигдөр хандивлажээ. Энэ хандивийг УБТЗ Ковид-19-тэй тэмцэхэд зарцуулах бөгөөд тусламж нэн шаардлагатай байгаа төмөр замчдадаа зориулна гэдгээ УБТЗ-ын Нэгдүгээр орлогч дарга И.В.Милостных мэдэгдсэн юм.