Өөрийн гайхалтай оновчтой дамжуулалт, 3 онооны шидэлт, бөмбөг таслалтынхаа ачаар Далласын гарааны бүрэлдэхүүнд гарч байгаа Жэйсон Кидд NBA-н нэгэн шинэ амжилтын эзэн  болоход ойрхон байна.

Тэрээр АНУ-н цагаар мягмар гаргийн орой Майами Хийтийн талбайд зочлон тоглохдоо NBA-н Аваргын төлөө тоглолтын гараанд гарсан хамгийн хөгшин тоглогч болох гэж байна.

Өдгөө 38-тай эрийг багийн анд Новицки “fossil” /чулуужсан байдал/ хэмээн хочилж байгаа бол Шон Марион түүнийг “50 настан” хэмээн тодорхойлж байна. Кидд энэхүү амжилтыг эвдвэл 2000 онд Лэйкэрсийн гараанаас Рон Харпэр 36-тайдаа гарч байсан амжилтыг эвдэх юм байна.

Түүний тухай 1994-95 оны драфтад түүнтэй зэрэгцэн орж байсан Майамигийн тоглогч Жуван Ховард хэлэхдээ:
-“Тэр үнэхээр өндөр түвшинд тоглож байгаа. Яг л одоогийн энэ олон залуучууд шиг. Бодит байдалд ер нь бол хэрвээ Киддийн насан дээр ирвэл түүнийг жагсаалтаас гарсанд тооцдог. Тэд та нарт юу ч үлдсэнгүй ээ гэж хэлдэг. Гэхдээ энэ лигт нас ахих тусам илүү ухаантай тоглодог болдог” хэмээжээ.

Тийм ээ. Ухаантай байдал гэдэг бол Жэйсон Киддийн тоглолтын арга барил. Нийт карьерынхаа 1267 тоглолтын, плэй-оффын 136 тоглолтын дараа тэр нэлээдгүй зүйлийг үзсэн. Тэр ямар зүйл багийг нь эрсдэлд оруулахыг мэддэг.

Киддийн хувьд одоогийн байдлаар багтайгаа дахин нэг жил тоглох гэрээтэй байгаа. Тэрээр дараагийн улирал NBA-д тоглох боломж өөрт нь бүрэн байгаа гэдгийг дараах зүйлээр ярьжээ.

-“Хэрвээ би одоогийнхоо хийж чадаж буй зүйлийг хийсээр байвал тоглосоор байх болно. Би хэдэн настай ч байсан өрсөлдөхийг хүсч байна. Би үнэхээр “тоглолт” гэдэг зүйлийн том фэн. /тоглох дуртайг илэрхийлж байна/. Одоогийн залуусыг хараад би 22, 23 настай байсан болоосой гэж хүсдэг. Хэрвээ тийм байсан бол тэдний тоглолтыг үзүүлж чадах байсан”

Хэдий ийм зүйлийг Кидд ярьж байгаа ч түүний хийж чадаж байгаа зүйлийг залуучууд NBA-н аваргын төлөө гаргаж чадахгүй л байна шүү дээ.

Г.Зол-Эрдэнэ