Азийн 23 хүртэлх насныхны АШТ-ий урьдчилсан шатанд хүч үзэх гэж байгаа Монголын залуучуудын шигшээ багийг үндэсний дээд лигт өрсөлддөг, гадаадын багуудад тоглодог тоглогчид бүрдүүлж байна.

Унгарын “Пушкаш Академи”-тай мэргэжлийн хөлбөмбөгчний гэрээ байгуулан тоглож байгаа Ганболдын Ганбаяр болон Канад улсад суралцаж, амьдардаг хаалгач Санчирын Ананд гэсэн тоглогчид хилийн чанадаас, эх орныхоо шигшээд тоглохоор хүрэлцэн байгааг дуулгая.

Манай залуучуудын шигшээ баг 23 хүртэлх насныхны Азийн АШТ-ий урьдчилсан шатанд хожил авч, шигшээ шатанд шалгарч байгаагүй тул нутагтаа болж буй тэмцээнд, урам зоригтой оролцох нь дамжиггүй.

Дээд лиг хийгээд үндэсний шигшээ багт чамгүй олон тоглолт хийсэн туршлагатай, ур чадвартай залуус маань 03-р сарын 22-26-ний хооронд Умард Солонос, Хонг Конг, Сингапур улсын багуудтай хүч үзнэ.

Монголын 23 хүртэлх насны шигшээ багийн бүрэлдэхүүн:

Хаалгачид:

• Санчирын Ананд /Канад/
• Ариунбатын Мэндбаяр /Дэрэн/
• Энхбаатарын Ерөөлт /Сэлэнгэпресс/

Хамгаалагчид:

• Орхоны Мөнх-Оргил /Дэрэн/
• Туяагийн Хаш-Эрдэнэ /Дэрэн/
• Эрдэнэчимэгийн Өнөр-Эрдэнэ /Дэрэн/
• Пүрэвдоржийн Баярцэнгэл /Сэлэнгэпресс/
• Хэнчяахавын Энхзориг /Андууд сити/
• Чүнчигноровын Шинэзуун /Эрчим/
• Бат-Эрдэнийн Ууганбат /Дэрэн/
• Отгонбаатарын Одбаяр /Андууд сити/
• Амараагийн Дөлгөөн /Дэрэн /

Хагас хамгаалагчид:

• Артагийн Нармандах /Улаанбаатар сити/
• Балжиннямын Батмөнх /Дэрэн/
• Алтансүхийн Тэмүүжин /Атлетик 220/
• Гантуяагийн Гантогтох /Улаанбаатар сити/
• Дүгэрийн Тэмүүлэн /Андууд сити/
• Пүрэвсүрэнгийн Энхбаяр /Дэрэн/
• Гэрэлт-Одын Бат-Оргил /Дэрэн/

Довтлогчид:

• Батболдын Балжинням /Эф Си Улаанбаатар/
• Маратханы Жансерик /Дэрэн/
• Батбаярын Хаш-Эрдэнэ /Андууд сити/
• Ганболдын Ганбаяр /Пушкаш академи/

Ахлах дасгалжуулагч: Майкл Вайсс

Туслах дасгалжуулагч: Зоригтын Баттулга

Багийн менежер: Бүүвэйбаатарын Учралсайхан

Туслах дасгалжуулагч: Г.Даваа-Очир

Хаалгачийн дасгалжуулагч: Драгош Плопеану

Эмч: Г.Мөнхзул