Нийслэлийн ойролцоох нутаг дэвсгэрт 90,000 ам метр талбай бүхий хүлэмж, төмс хүнсний ногоо хадгалах 15,000 тоннын багтаамжтай механикжсан зоорь, төл мал бордох 20 аж ахуй байгуулах гэж байна. Үүнийг Хүнс хөдөө аж ахуй,хөнгөн үйлдвэрийн яам, Нийслэлийн хөдөө аж ахуйн газар, НЗДТГ хамтран нийслэлийн иргэдийг хүнсний ногоогоор хангах хүрээнд байгуулсан хамтарсан ажлын хэсгээс хийх юм.

Тэд өнгөрсөн тавдугаар сарын сүүлээр хуралдан, хийх ажлаа тодорхойлж, иргэдээс 400 гаруй санал хүсэлт хүлээн авсны дагуу ногоо тариалах зориулалтын газар олгожээ. 22-ын товчооноос баруун урагш, Хан-Уул дүүргийн нутаг "ТЭЦ-4" цахилгаан станцын зүүн талд гурван аж ахуйн нэгжид 20 орчим га газрыг хүлэмжийн аж ахуй эрхлэх зорилгоор 15 жилийн хугацаатай олгоод байгаа. Мөн нарийн ногооны үр, хүлэмж барих санхүүжилтийг ч өгсөн байна.