Баянзүрх дүүрэг хөл хөдөлгөөн ихтэй байна. Учир нь дүүргийн Засаг даргын тамгын газрын хуучин байрыг буулгаж суурин дээр нь Төр захиргааны байр шинээр барих болсонтой холбогдуулан тамгын газар, хэлтэс, албадууд байрнаасаа өнгөрсөн долоо хоногт нүүж байрлалаа өөрчилсөн учир иргэдэд багагүй хүндрэл учруулж байна. Дүүргийн хэлтэс албадыг хэд хэдэн газар тараан байрлуулжээ.

Үүнд: Засаг дарга, түүний орлогч, тамгын газрын алба, санхүү төрийн сангийн хэлтсүүд "Баян дэмбэрэл" /мал эмнэлэг/ ХХК-ны байранд байрласан бол Иргэдийн төлөөлөгчдийн хурал,Хурлын ажлын алба, Аж ахуйн тасгууд 55-р сургууль дээр байрлажээ.

Түүнчлэн үйлдвэрлэл үйлчил-гээний хэлтэс, Цэргийн штаб Тохижилт үйлчилгээний компанийн байранд байрласан байна. Төрийн захиргааний удирдлагын хэлтэс нийгмийн даатгалын хэлтэст, Нийгмийн даатгалын хэлтэс нь хөдөлмөр халамж үйлчилгээний төвд, мөн засаг даргын зөвлөх, Эрх зүйн туслалцааны төв дүүргийнхээ МАХН-ын байранд тус тус байрлажээ.

Шинээр баригдах Төр захиргааны байр нь дөрвөн давхар байх бөгөөд энэ оны 11-р сард ашиглалтад орох ажээ.

Б.Рэнцэнханд