Архи ууж, элдвээр дарамталдаг өргөмөл хүүгээ хашраах захиалга өгсөн 91 настай Р-.Аюуш эмээгийн хэргийг Баянзүрх дүүргийн Цагдаагийн хэлтэст шалгаж байгаа. Эмээгийн гуйлтын дагуу найман залуу өргөмөл хүүг нь зодох болжээ. Гэсэн ч тэд гуйлтыг нь давуулан биелүүлэж хүүгийнх нь амийг хөнөөсөн.

Р.Аюуш нарын арван хүнд Эрүүгийн хуулийн 91 дүгээр зүйлийн 91.3,4,11,12,15-д зааснаар яллах дүгнэлт үйлдээд байгаа. Яллах дүгнэлтэд зааснаар Р.Аюуш болон түүний өргөмөл охин А.Дулмаа нарт 15 жил хорих ял төлөвлөжээ. Харин бусдад нь 2-11 жил хорих ял төлөвлөсөн байв. Уг хэргийн шүүх хурал товлогдож байсан ч мөрдөн байцаалт дутуу гэдэг үндэслэлээр дахин шалгах болсон.