Сүүлийн жилүүдэд байгууллагууд ChatGPT, Gemini, Claude, Copilot зэрэг Generative AI шийдлүүдийг үйл ажиллагаандаа өргөнөөр ашиглах болсноор ажлын бүтээмж, үйл ажиллагааны хурд, шийдвэр гаргалтын үр нөлөөг шинэ түвшинд хүргэж эхэлсэн. Өнөөдөр байгууллагуудын өдөр тутмын үйл ажиллагаанд AI-ийн хэрэглээ хэдийнэ түгээмэл болж, ажилтнуудын гүйцэтгэдэг тодорхой төрлийн ажлуудыг хиймэл оюунд шилжүүлэх хандлага эрчимтэй нэмэгдэж байна.

Харин хиймэл оюуны хөгжил үүгээр хязгаарлагдахгүйгээр дараагийн шатандаа хүрч, дэлхийн тэргүүлэгч байгууллагууд Generative AI-ийн хэрэглээнээс Agentic AI руу шилжиж, байгууллагын бүтэц, стратеги, үйл ажиллагааны загвар, хүний нөөцийн менежмент болон байгууллагын соёлоо AI-д тулгуурлан цоо шинээр тодорхойлох шинэ эрин үеийг эхлүүлээд байна.

Agentic AI гэж юу вэ?

Agentic AI нь зөвхөн текст, зураг үүсгэх, мэдээлэл боловсруулах түвшнээс давж, өгөгдсөн зорилгыг ойлгон олон алхамт ажлын урсгалыг бие даан төлөвлөж, төрөл бүрийн систем, API болон дижитал хэрэгслүүдтэй уялдан ажиллаж, тодорхой үр дүнд хүрэх чадвартай хиймэл оюуны дараагийн үеийн технологи юм. Өөрөөр хэлбэл AI нь “туслах хэрэгсэл”-ээс “ажил гүйцэтгэгч дижитал ажиллах хүч” болон хувьсаж байна.

Дэлхийн чиг хандлага

Мэдээллийн технологийн консалтингийн дэлхийн тэргүүлэгч байгууллагуудын нэг болох Capgemini-ийн 2025 оны судалгаагаар дэлхий даяарх компаниудын 35 хувь нь Agentic AI-г үйл ажиллагаандаа нэвтрүүлж, хүн болон AI agent-ууд хослон ажилладаг Hybrid Workforce загварт шилжээд байна. Мөн 2026 онд байгууллагуудын 44 хувь нь Agentic AI-д суурилсан Agentic Workforce бүрдүүлэхээр төлөвлөж байгаа нь хиймэл оюунд суурилсан шинэ үеийн байгууллагын шилжилт дэлхий даяар эрчимтэй өрнөж буйг илтгэж байгаа юм.

Үүний зэрэгцээ Agentic AI-г үйл ажиллагаандаа нэвтрүүлж, шинэ үеийн ажиллах хүчний загварт дасан зохицож чадахгүй байгууллагууд ойрын жилүүдэд бүтээмж, инновац, шийдвэр гаргалтын хурд болон өрсөлдөх чадварын хувьд хоцрох эрсдэлтэй болж байна.

Шинэ сорилт ба боломж

Энэхүү өөрчлөлттэй холбоотойгоор байгууллагуудад хүн болон AI agent-уудын хамтын ажиллагааг зохион байгуулах, AI-г удирдах, хянах, засаглах шинэ хэрэгцээ, сорилтууд үүсэж эхэлсэн. Ийнхүү AI agent-уудыг удирдах, сургах, хөгжүүлэхтэй холбоотой шинэ төрлийн ажлын байр, мэргэжлийн чиглэлүүд бий болж эхэлж байгаа нь хүний нөөцийн менежментийн шинэ үеийг тодорхойлж байна.

“Boost with AI” арга хэмжээ

Энэ хүрээнд MLC Business School болон Digital Works компани хамтран “Boost With AI” үйл ажиллагааг хоёр дахь жилдээ “Agentic Workforce” сэдвийн хүрээнд 2026 оны 5-р сарын 26-ны өдөр Khan Bank Theatre-д зохион байгуулах гэж байна.

Тус үйл ажиллагаанд Монголын тэргүүлэгч байгууллагуудын гүйцэтгэх удирдлагууд, CIO болон технологийн салбарын төлөөллүүд оролцож, байгууллагаа AI-First болон Agentic Organization болгон хөгжүүлэх стратеги, Agentic AI-д суурилсан ажиллах хүчний шинэ загвар, бодит туршлага болон хэрэгжүүлсэн кейсүүдээ хуваалцах юм.

Уг үйл ажиллагаанд бизнесийн байгууллагуудын гүйцэтгэх удирдлагууд, хүний нөөцийн удирдлагууд, технологи, инновацын чиглэлээр ажилладаг мэргэжилтнүүд зэрэг 350 гаруй төлөөлөл оролцох бөгөөд ХААН Банк, Неткапитал Санхүүгийн Групп, Могул Групп, МИГ Даатгал зэрэг байгууллагууд ерөнхий спонсор, дэмжигчээр хамтран ажиллаж байна.

Бизнес удирдагч та байгууллагаа Agentic AI-д суурилсан шинэ түвшинд хүргэж, Agentic Workforce-ийг бүрдүүлэх бодит арга замуудтай танилцахыг хүсвэл https://shorturl.at/Zg6hB -аар бидэнтэй нэгдээрэй!

Арга хэмжээний дэлгэрэнгүй мэдээллийг Digital Works-ийн албан ёсны вебсайт болох https://www.digitalworks.mn/boost-with-ai-agentic-workforce холбоосоор аваарай.