Гурван настай хүүхэд уурхайн цооногт унасан харамсалтай явдлын талаар Шадар сайд Н.Номтойбаяр дараах мэдээлэл өгөв.

Тэрбээр, Миний хувьд Засгийн газрын 5-р сарын 27-ны хурлын шийдвэрээр Казахстан улсын Астана хотод болж буй Евразийн эдийн засгийн форумд Монгол Улсаа төлөөлөн оролцож байна. Энд ажиллаж байх үед эх оронд маань бага насны хүүхэд хуучин уурхайн цооногт осолдсон харамсалтай явдал болсон байна.

Төв аймгийн Заамар сумын нутаг дахь хуучин уурхайн өрөмдлөгийн цооногт унасан гурван настай хүүхдийг аврах ажиллагааг ОБЕГ-ын Уул уурхайн аврах тусгай ангийнхан тасралтгүй үргэлжлүүлж байна.

31метрийн гүнд хөндлөнгөөс нэвтрэхийн тулд хөндлөнгөөр нь 12 метр ухах малтлагын ажиллагаа явагдаж байна. Хөрс сул учир доргилт өгч болохгүй. Бүгдийг гар ажиллагаагаар гүйцэтгэж зорилтот цэгт хүрнэ. Харамсалтай нь нэг цагт 20-35 метр ухах ийм л бодит нөхцөлд ажиллаж байна.

1м-ийн өндөртэй, 80 см-ийн өргөнтэй хөндлөн малталтыг ойролцоогоор 12 метр ухаж зорилтот газарт хүрэхээр ажиллаж байна. Доргилт өгвөл алба хаагчид ажил үүргээ гүйцэтгэх боломжгүй, амийг эрсдэлд оруулах нөхцөлд ажиллаж байна. тун удахгүй зорилтот газартаа хүрнэ.

Ерөнхий сайд болон Засгийн газрын гишүүд бид энэ байдалд анхаарал хандуулж, мэргэжлийн хүмүүст хөндлөнгөөс заавар өгөхгүй, ажлаа явуулах бүхий л боломжоор хангаж байна.