Зүүн Азийн хоёр улсын удирдагч хамтран бөмбөр тоглож Япон ба Өмнөд Солонгосын дипломат харилцаанд нэгэн онцгой үйл явдлыг шинээр нэмжээ. 

Ижилхэн цэнхэр цамц өмссөн Өмнөд Солонгосын Ерөнхийлөгч Ли Жэ Мён, Японы Ерөнхий сайд Санаэ Такаичи нар BTS хамтлагийн "Dynamite", хит кино "KPop Demon Hunters"-ийн "Golden" зэрэг K-pop дууны хэмнэлд бөмбөр тоглов.

Японы Ерөнхий сайд Такаичи өмнө нь хүнд метал хамтлагт бөмбөрчин байсан ба Ерөнхийлөгч Ли Жэ Мёны Японд хийсэн албан ёсны айлчлалыг тэд хамтдаа ийнхүү өндөрлүүлсэн юм.

Мөн энэ нь Өмнөд Солонгос Японтой түүхэн маргаантай ч аюулгүй байдлын холбоотон хэвээр байдаг бүс нутгийн томоохон гүрнүүд рүү чиглэсэн Ли Жэ Мёны дипломат нээлттэй бодлогын нэг хэсэг байв.

Уг бөмбөрийн тоглолтыг  Ли Жэ Мён “жаахан эв дүй муутай байсан” хэмээн өөрийгөө тодорхойлсон ч бичлэг нь цахим орчинд тарж, олон нийтийг хөгжөөн талархлыг хүлээв.

Ли Жэ Мён Такаичигийн төрсөн хот Нарад айлчлах үеэр Японы ерөнхий сайдад бөмбөрийн иж бүрдэл бэлэглэсэн байна. Тоглолтын дараа хоёр удирдагч өөрсдийн гарын үсэгтэй бөмбөрийн цохиурыг харилцан солилцов.

“Өнгөрсөн жил APEC-ийн үеэр уулзахад  ерөнхийлөгч Ли Жэ Мён бөмбөр тоглох нь түүний мөрөөдөл гэж хэлсэн тул бид гэнэтийн бэлэг бэлдсэн юм” хэмээн Такаичи дараа нь твиттертээ бичжээ.

Эх сурвалж: BBC