Голын мөс цөмөрсөн: Сэлэнгэ аймаг, Сүхбаатар сум Хонгорморьт багийн “19 дүгээр зөрлөг” гэдэг газар суудлын автомашин “Орхон” голын мөсөнд цөмөрч суусан тухай дуудлагыг 2026.03.04-ний өдрийн 01:59 цагт хүлээн авсан.   Тус аймгийн Онцгой байдлын газрын Эрэн хайх, аврах ангийн алба хаагчдыг очиход иргэн Т-ын  “Lexux Rx450h” загварын суудлын автомашины урд талын хоёр дугуй хэсгээрээ мөсөнд цөмөрч суусан байсныг ажиллаж татан гаргасан.       

Цасанд суусан: Төв аймаг, Сэргэлэн сум Баянбүрд багийн "Баянгийн-Энгэр" гэдэг газар /аймгийн төвөөс зүүн зүгт 30 км-т, сумын төвөөс зүүн урд зүгт 25 км-т/ 3 зорчигчтой суудлын автомашин цасанд суусан тухай дуудлагыг 2026.03.03-ны өдрийн 19:20 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчдыг очиход ““Toyota prius 20” загварын суудлын автомашин /согтууруулах ундааны зүйл хэрэглэсэн 3 хүн/  цасанд суусан байсныг  ажиллан татан гаргасан.

Эх сурвалж: ОБЕГ