2025-2026 оны хичээлийн жилд бүх түвшний боловсролын байгууллагыг төгсөгчид 238.6 мянга болж өмнөх оны хичээлийн жилээс 5.9 хувиар өссөн хэмээн Үндэсний Статистикийн хорооноос танилцууллаа. Монгол Улсын нийгэм, эдийн засгийн 2026 оны эхний найман сарын үзүүлэлтийг өнөөдөр танилцуулж буй. 

2025-2026 оны хичээлийн жилд ерөнхий боловсролын сургуулийг 189.6 мянган сурагч, их, дээд сургуулийг 28.4 мянган оюутан төгссөн. Техникийн болон мэргэжлийн боловсролын сургалтын байгууллагыг 20.6 мянган суралцагч тус, тус төгсжээ. 

Ерөнхий боловсролын сургуулийг өдрөөр төгсөгчид өмнөх оны хичээлийн жилээс 12.5 хувиар өссөн ажээ. 

2025-2026 оны хичээлийн жилд техникийн болон мэргэжлийн байгууллагын төгсөгчдийн 55.1 хувь нь буюу 11,336 инженер төгсжээ. Түүнээс 2395 эмэгтэй инженер болжээ. 

Дотоодын их дээд сургууль, коллеж төгсөгчдийн дийлэнх буюу 26.7 хувь нь бизнес удирдахуй хууль эрх зүй, 22.1 хувь нь эрүүл мэнд, нийгмийн халамж, 14.5 хувь нь боловсролын чиглэлээр мэргэжил эзэмшжээ. 

Боловсрол, эрүүл мэнд, нийгмийн халамжаар төгсөгчдийн дийлэнх хувийг эмэгтэйчүүд эзэлж байгаа бол математик, хөдөө аж ахуй, үйлчилгээний салбарын дийлэнхийг эрэгтэй төгсөгчид эзэлж буй.