Монгол Улсын Филармони симфони найрал хөгжмийн бүтээл болох “В.А.Моцартын бүтээлүүд” тоглолт энэ сарын 27-нд болно.

Тоглолтын Удирдаачаар СТА Д.Нямдаш, тоглолтын хөтлөгч тайлбарлагчаар төгөлдөр хуурч, “Virtuoso” академийн тэргүүн, олон нийтийн хөгжмийн боловсролд зориулсан “Агаар” цуврал номын зохиогч, лектор, хөгжим судлаач М.Цогбадрах, гоцлол хөгжимчнөөр С.Мөнхзаяа СТА, З. Отгон СТА нар гоцлон хөгжимдөнө.

Дашрамд дурдахад, Улсын Филармонийн дөрөвдүгээр улирлын уран бүтээлүүдээ “Сонгодог хөгжим” төслийн дор дэлхийн шилдэг хөгжмийн зохиолчдын бүтээлүүдийг хүргэж ард иргэдийнхээ хөгжмийн боловсролд үнэтэй хувь нэмэр оруулан тоглосоор байгаа бөгөөд өнгөрсөн бямба гарагт 46 дахь жилтэйгээ золгож буй “Баян Монгол” жазз найрал хөгжмийн “City Swing” тоглолт болсон юм.