Эрүүл, гуалиг сайхан харагдахыг хүсдэг хүүхнүүдэд, мөн урт насалж, удаан жаргахыг хүсдэг хүмүүст дараах зөвлөгөөг хүргэж байна. Хэрэв та эрүүлжиж, олон жилийн турш биедээ хуримтлагдсан хоол, хүнсний үлдэгдлийг биеэсээ гадагшлуулж, биедээ их цэвэрлэгээ хийхийг хүсч байгаа бол дараах зөвлөгөөг дагаарай. Ходоод гэдэс хогийн сав биш гэдэг шүү дээ.

Тиймээс жилийн дөрвөн улирлын алинд нь ч эрүүл аргаар гэдэс, дотроо цэвэрлэх, илүүдэл жингээ хасах, эрүүлжих хамгийн зөв аргыг танилцуулж байна. Энэ тухай Улсын клиникийн төв эмнэлгийн Хоол боловсруулах эрхтэн судлалын танхимын тэргүүлэх зэргийн эмч Ц.Минжүүрээс зөвлөгөө авлаа.

-Зуны улиралд жингийн илүүдлээсээ салах, гэдэс дотроо цэвэрлэх гэсэн хүмүүс олон янзын арга хэрэглэх юм. Зарим нь өглөө бүр гүйж байхад өдөржингөө өлсөөд явдаг хүн бас байна. Тиймээс та турах, эрүүлжих, гэдэс дотроо цэвэрлэх хамгийн зөв аргыг хэлж өгөхгүй юу?
-Хүмүүс эрүүл байхын тулд ажил амьдралын зөв дэглэм зөв хэв маягыг мөрдөж байх нь хэрэгтэй юм. Энэхүү дэглэм нь алдагдсанаар хүн өвчинд амархан өртдөг. Сүүлийн үеийн залуусын дунд хөдөлгөөний хомсдолоос болж таргалалт ихэссэн. Энэ нь хоол боловсруулах системийн өвчлөлүүдийн эх сурвалж болж байна.

Турах, эрүүлжих хамгийн зөв арга бол мацаг барих юм. Ямар хүмүүс мацаг барих шаардлагатай вэ гэхээр хоол боловсруулах системийн архаг өөрчлөлттэй ялангуяа таргалалт гэдэг өвчинд нэрвэгдсэн хүмүүс дэглэм барих шаардлагатай. Хүн бие организмаа тодорхой хугацаанд цэвэрлэж байх ёстой байдаг. Бидний өвөг дээдэс ч гэсэн ходоод гэдсээ цэвэрлэх уламжлалт аргатай байсан.

Тухайлбал, өвөг, дээдэс маань өвөл мах өөх гэх мэт биед энерги хуримтлуулах хоол хүнс иддэг байсан бол зун нь цагаан идээ идэж ходоодоо цэвэрлэдэг байсан. Гэтэл орчин үеийн хүмүүс өвөл, зунгүй мах, тос өөхтэй хоол хүний биед муугаар нөлөөлдөг хүнсий бүтээгдэхүүн хэрэглэх болсон. Энэ нь хоол боловсруулах явцад хортой бодисыг ихээр ялгаруулдаг. Эдгээр хорт бодисыг гадагшлуулах олон арга байдгийн нэг нь мацаг барих юм.

-Мацаг барина гэхээр манайхан өдөржингөө өлсөөд явна гэж ойлгодог. Зарим нь махан хоолноос татгалзаад цагаан хоол идэхийг хэлдэг гэдэг. Энэ тухай та тодорхой ойлголт өгөөч?
-Хүн өөрийн биеийн онцлогт тохируулан долоо хоногт нэг удаа эсвэл 14 хоногт нэг удаа гэх мэтээр эмчийн зааврын дагуу мацаг барих шаардлагатай байдаг. Юуны өмнө мацаг барихын тулд тэр хүн сэтгэл санааны бэлтгэлтэй байх хэрэгтэй. Мөн мацаг барьж байгаа өдрөө хоол идэхгүй, цай уухгүй зөвхөн буцалсан цэвэр ус ууна гэсэн үг. юм. Ингэснээрээ тухайн хүн өөртөө хуримтлагдсан илүүдэл жингээ хасаж, хорт бодисоо гадагшлуулна.

-Нэг өдөр хоолоо сойх нь мацаг барихын нэг хэлбэр. Харин түүнээс олон хоног мацаг барьж болох уу?
-Болохгүй. Хоёр буюу түүнээс дээш хоногоор мацаг баривал тухайн хүний даралт нь унах, толгой эргэх, ухаан алдаж унах болон өөрт хэрэгтэй эрдэс бодисын дутагдалд орж биед сөргөөр нөлөөлнө.

-Хүн бүхэн мацаг барьж болох уу. Хориглох заалт бий юу?
-Хүндэвтэр хэлбэрийн зүрх судас, бөөрний болон элэгний дутагдлын үед мөн ходоодны шархтай хүмүүст мацаг барихыг хориглодог. Манайх шиг эрс тэс уур амьсгалтай оронд дулааны улиралд мацаг барих

Б.Туул