Японы Фүкүшима атомын цахилгаан станцад удаа дараа дэлбэрэлт болсны улмаас агаарт их хэмжээний цацраг идэвхт бодис тархсан билээ. Үүнтэй холбогдуулж ОХУ-ын мэргэжилтнүүд Алс Дорнодын агаарыг шинжилж, уг бодис цагт 10-17 мкр буюу хэвийн хэмжээнд байгааг тогтоосон байна. Агаарт цацраг идэвхт бодис тархаж, аюул учруулах хэмжээ нь цагт 30 мкр байдаг аж.

Одоо тус бүсэд эрчимт цацрагийн хэмжилт явуулж байна. Энэ ажлыг Ус цаг уурын лабораторийн мэргэжилтнүүд хийж байгаа аж. Эдгээр шинжилгээ, нөхцөл байдлын талаар цуглуулсан материал, дүгнэлтүүдийг ОХУ-ын Онцгой байдлын яамны хямралын үеийг удирдах төвд шилжүүлэх юм байна. Энэ тухай тус улсын Ус цаг уурын удирдах газрын нарийн бичгийн дарга Барбара Коридзе "Цаг уурын урьдчилсан мэдээгээр ойрын хэд хоногт Арбайгалиас Приморьер дамжин агаарын фронт Сахалин руу чиглэнэ.

Японд атомын цахилгаан станцад дэлбэрэлт болсонтой холбогдуулан Приморскийн хязгаарын ус цаг уурын 32 станц цаг тутамд хэмжилт хийж байна. Станцуудын хүчин чадлыг тусгай датчикаар хянаж байгаа юм. Эдгээр датчик нь автомат ус цаг уурын цогцолбороос бүрдсэн байдаг. Орон нутгийн бусад станц цацрагийг дозиметрээр хянаж байгаа" гэжээ.

Нөгөөтэйгүүр, мэргэжилтнүүд Алс Дорнодын оршин суугчдыг тайвшруулж байна. Учир нь тус бүс нутагт Чернобылийн ослын түүх давтагдахгүй аж. Фүкүшима-1 атомын цахилгаан станцын корпусны төрлийн реакторуудыг усаар хөргөж байгаа. Гол байрны эргэн тойронд бетонон хайс байрладаг. Энэ нь хэрэв цацраг идэвхт бодис алдвал аль болох бага хэмжээний хэсгүүдийг хайлуулсан. Гэхдээ энэ нь сүйрэлд хүргэхгүй. Энд графитан удаашруулагч байхгүй. Иймээс шатахгүй. Тэнд цөмийн түлш, ус байгаа. Ус нь дулаан тээгч шүү дээ. Тэгээд ч бид ус шатдаггүй гэж мэднэ. Түлш шатдаг.

Харин дотоод нөлөөнөөс болж шатахгүй. Ингэхдээ бүр реактор нилэнхүйдээ эвдэрсэн ч шатахгүй" хэмээн "Примтехнополис" компанийн орлогч захирал Виталий Алданов цохон тэмдэглэжээ. Приморьед болон Сахалин дахь Японы Консулын газрынхан хэдэн өдрийн турш хүмүүст амьд цэцэг авчирсан байна. Тэдний дурсамжийн дэвтэрт хүмүүс эмгэнэл бичиж үлдээжээ. Сахалин, Курилын үнэн алдартны бүх сүмд хурал ном хурж, Японд болсон хүчтэй газар хөдлөлт, цунамигийн дайралтад өртөж амиа алдсан хүмүүс нэрвэгдэгсдэд сайн сайхныг хүсч залбирч байгаа аж.

Мөн гар утасны операторууд Оросоос Токио руу үнэгүй тарифаар яриулж байгаа. Түүнчлэн, Владивостокт Синдай хотын Миаяги дүүрэгт байдаг ах дүү, хамаатан садантайгаа болон Консулын ажилтнуудтай хиймэл дагуулын холбоогоор ярих боломж олгожээ. Хүнд нөхцөлд байгаа ч ОХУ Япон руу нислэг үйлдсээр байна. Тухайлбал, Владивосток, Хабаровск, Южно-Сахалинскээс Японы хотууд руу урьдын адил байнгын нислэгүүд хийгдэж байна.

Энэ тухай "Владивосток" компанийн төлөөлөгч Павел Малышкин "Бид хэвийн нислэгүүдээ хийж байна. Японы агаарын компанийн удирдлагууд манай онгоцуудыг хүлээж авч, бүрэн дүүрэн үйлчлэхэд бэлэн байгаагаа илэрхийлсэн. Япон руу олон улсын нислэгээс татгалзсан цөөн тооны зорчигч байна. Үүнийг бид хүндэтгэх шалтгаан хэмээн үзэж анхаарч байгаа. Ингэхдээ бид дээрх шийдвэрийг гаргасан хүмүүст зарагдсан тасалбарынх нь мөнгийг буцааж олгож байна” гэв.

Д.Түвшинтөр http://www.niigmiintoli.mn/