Speedtest.net -ээс явуулсан хэдэн сая тестийн үр дүн дээр үндэслэгдсэн дэлхийн улс орнуудын интернэтийн үйлчилгээнд ашиглагдаж буй хурдын индексийг тодорхойлж үздэг үзүүлэлт гарчээ.

Энэ индексээр дэлхий даяар интернэт хэрэглэгчдийн мэдээ, мэдээлэл татаж авах болон илгээх хурд ямар түвшинд байгааг улс орон нэг бүрээр гаргаж харьцуулалт хийсэн байна.  

Энэхүү үзүүлэлтэнд Монгол Улсын интернэт хэрэглэгчдийн татаж авах хурдны /Download speed – 7,62 Mbps/ үзүүлэлт нь 2010 оны 07 дугаар сарын 05-ны өдрийн байдлаар нийт 162 орноос 35-р байранд орсон нь Австрали, Грек, Польш, Испани зэрэг өндөр хөгжилтэй орнуудаас дээгүүр байгаа аж.

Харин илгээх хурдны /UpLoad speed – 5.14 Mbps/ үзүүлэлт нь 2010 оны 07 дугаар сарын 05-ны өдрийн байдлаар 162 орноос 16-р байранд орсон нь Франц, Герман, Австрали зэрэг өндөр хөгжилтэй орнуудаас илүү үзүүлэлттэй байна. Мэдээллийг http://www.netindex.com цахим хуудаснаас авах бололцоотой.

Харилцаа холбооны зохицуулах хороо Дэлхийн банктэй хамтран 7 аймгийн 34 суманд интернэтийг үйлчилгээг хүргэх төслийг амжилттай хэрэгжүүлэн ажиллаж байгаа бөгөөд Улаанбаатар хот болон орон нутагт хүргэж буй интернэтийн үйлчилгээний ялгавартай нөхцөл байдлыг арилгах зорилго тавьж ажиллаж байгаа гэнэ.