Ипотекийн таван хувийн хүүтэй зээлийг арилжааны банкууд өчигдрөөс хэрэгжүүлж эхэлсэн. Засгийн газраас гаргасан журмын дагуу эхний ээлжинд гэр хорооллын дахин төлөвлөлтийн болон шинэ суурьшлын бүс, хотын алслагдсан гурван дүүрэг, 21 аймгийн хэмжээнд жилийн таван хувийн хүүтэй, орон сууцны зээлд хамрагдах боломжийг бүрдүүлсэн юм.

Төрийн банк дээрх журмын шаардлага хангасан 1894 өрхийн 67.3 тэрбум төгрөгийн зээлийг таван хувь руу шилжүүлэх тооцоо гаргажээ. Үүнээс өчигдрийн байдлаар 104 зээлдэгчийн 4 тэрбум 272 сая төгрөгийн зээлийг таван хувьд шилжүүлсэн байна.