-Төрсөн өдөр-

Португалийн шигшээ болон Испанийн эзэн хааны баг Мадридын "Реал"-ын довтлогч Криштиану душ Сантуш Авейру өнөөдөр 25 нас хүрч байна.

Криштиануг "Манчестер Юнайтед"-аас авахын тулд "Реал" 80 сая фунтстерлинг төлснөөр түүнийг дэлхийн хөлбөмбөгийн түүхэн дэх хамгийн үнэтэй тоглогч болгосон билээ. Тэрбээр өнөө цагийн хамгийн шилдэг тоглогчдын нэгэнд зүй ёсоор тооцогдож байна.

Роналду 2004 оны Европын аварга шалгаруулах тэмцээний шилдэг залуу тоглогчоор шалгарч байсан. "Улаан чөтгөрүүд" 2006-2009 онд премьер лигийн аваргын цомыг гурван удаа дараалан хүртэхэд түүний хувь нэмэр асар их байсан гэдэгтэй хэн ч маргахгүй байх. Мөн "МанЮ"-тай 2006/2007 оны улиралд Аваргуудын лигийн хагас шигшээд хүрч, дараа жил нь Лондоны "Челси"-г буулган авч аваргын цомыг хүртэхэд тэрбээр эхний гоолыг оруулж байв. Тухайн ондоо Европын шилдэг хөлбөмбөгчинд олгодог "Алтан бөмбөг", ФИФА-гийн "оны шилдэг тоглогч" шагналын эзэн болсон.

С.Баяр http://www.niigmiintoli.mn/