Улаанбурхан өвчний нөхцөл байдлын мэдээг Халдварт өвчин судлалын үндэсний төвөөс танилцууллаа. Өнөөдрийн байдлаар:

• Батлагдсан тохиолдол: 590
• Эмнэлэгэт: 111
• Гэрээр: 8
• Эдгэрсэн: 471
• Сэжигтэй: 38
• Хавьтал: 11,539 хүн байна.

Өвдсөн хүмүүсийг хүйсээр авч үзвэл 57.5 хувь нь эрэгтэй, 42.5 хувь нь эмэгтэй. Харин 10-14 насны 237 хүн өвдсөн нь хамгийн өндөр үзүүлэлт байна. Батлагдсан тохиолдлын хамгийн их буюу 315 нь Улаанбаатар хотод бүртгэгджээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм.

ХӨСҮТ-ийн эмч:

-Хачигийн халдвараас сэргийлэхийн тулд иргэд аялах, зугаалах, алхахдаа онцгой анхаарах чухал. Хачиг зөвхөн хөдөөд байдаг гэж ойлгож болохгүй. Хаврын улирал салхи ихтэй байдаг тул төв, суурин газарт зөөвөрлөгдөж, хийсэж орж ирж болно. Ууланд алхахдаа, ой модоор алхахдаа тод хувцас өмсөхийг зөвлөе. Хэрэв хачиг байвал тод өнгийн хувцаснаас ялгарч харагддаг.

Хачигт хазуулбал зөв авах хэрэгтэй. Яарч, сандарч буруу авснаас болоод Хачигийн тодорхой хэсэг нь үлдээд хүндрэл үүсгэж болох эрсдэлтэй. Хонины хачиг мах, сүү зэргийг аль болох түүхийгээр хэрэглэхгүй байхад онцгой анхааруулъя.